Gcina (Okthoba 2022)

2022 Okthoba 31, Mvulo

Makadunyiswe uThixo kweliphezulu,
kube luxolo emhlabeni kubantu abamkholisayo.

2022 Okthoba 30, Cawe

Nawuphi na umntu ovumayo ukuba uYesu nguNyana kaThixo, uhlala emanyene noThixo, noThixo uhlala emanyene naye.

2022 Okthoba 29, Mgqibelo

Umntu ongazikhathaleleyo izizalwane zakhe, ingakumbi ezihlala naye, selelulahlile ukholo, ungcole ngaphezu kwabangakholwayo.

1 KUTIMOTI 5:8 usapho ubudlelwane abantwana

2022 Okthoba 28, Lwesihlanu

Nkosi, Thixo, sithamsanqelise!
Siphumelelise kuyo yonke imizamo yethu;
ewe, yiphumelelise yonke imizamo yethu.

INdumiso 90:17 ubabalo ukhuthazo umsebenzi

2022 Okthoba 27, Lwesine

Ngoko ke bonke banikeni okubafaneleyo – irhafu kofanelwe yirhafu, umrhumo kofanelwe ngumrhumo, ukuhlonitshwa kofanelwe kukuhlonitshwa, imbeko kofanelwe yimbeko.

KWABASEROMA 13:7 ukunyaniseka imali ukumoyika uthixo

2022 Okthoba 26, Lwesithathu

Abo baxhinele ubutyebi beyela kwizilingo nemigibe, bathi bexinwe yiminqweno yobudenge eyingozi, batshone ebundlavinini nasekutshabalaleni.

1 KUTIMOTI 6:9 imali ukubawa ukuthanda izinto eziphathekayo

2022 Okthoba 25, Lwesibini

Amandla am nguMhlekazi uNdikhoyo;
uzenza iinyawo zam zibe njengezenxala;
ngaye ndihamba kweziphezulu iindawo.

UHABHAKUKI 3:19 intsikelelo amandla izixhobo

2022 Okthoba 24, Mvulo

Kaloku akukho nanye into enokumnqabela uThixo.

ULUKA 1:37 imimangaliso ukoyisa usomandla

2022 Okthoba 23, Cawe

Ke wena, xa uthandazayo, ngena egumbini lakho, uluvale ucango, uthandaze kuYihlo ongabonwayo. Ke uYihlo, yena obona okwenzeka emfihlekweni, wokuvuza.

UMATEWU 6:6 ibuyiselo UTata umthandazo

2022 Okthoba 22, Mgqibelo

Ndiyakuthanda, Ndikhoyo, mandla am.
NguNdikhoyo iliwa lam; nguye inqaba yam; nguye umkhuseli wam.
Xa ndizimele ngoThixo wam ndihlala ndikhuselekile.
Nguye ikhaka lam, nguye ondigcina ndifihlakele.

INdumiso 18:1-2 usindiso amandla umhlawuleli

2022 Okthoba 21, Lwesihlanu

Masithi nca kwisivumo seli themba sinalo; kaloku unyanisekile lowo usithembisileyo.

KUMAHEBHERE 10:23 ukuthembeka ithemba ukuvuma

2022 Okthoba 20, Lwesine

Musani ukukhathazeka; kholosani ngoThixo, nikholose nangam.

UYOHANE 14:1 thembela uloyiko ukukhathazeka

2022 Okthoba 19, Lwesithathu

Kaloku iNkosi iyawajonga amalungisa,
iyiphulaphule imithandazo yawo.
Kodwa iyabafulathela abenzi bobubi.

1 KAPETROS 3:12 ubulungisa umthandazo ukuphulaphula

2022 Okthoba 18, Lwesibini

Iziyalo nezicwangciso ngokunjalo nemimiselo eniyinikwe nguNdikhoyo uThixo wenu ze niyithobele ngenyameko.

UHLAZIYO-MNQOPHISO 6:17 umthetho ukuthobela

2022 Okthoba 17, Mvulo

Kuba othe wathanda ukusindisa ubomi bakhe, wolahlekelwa bubo; kodwa othe wabuncama ubomi bakhe ngenxa yam, nangenxa yeendaba ezimnandi ezi, wobusindisa.

UMARKO 8:35 ukuvangela usindiso ubomi

2022 Okthoba 16, Cawe

UNdikhoyo uyabanakekela abo bamhlonelayo
nabo bathembe izibele zenceba yakhe.

INdumiso 33:18 ukuthembeka uThixo ukumoyika uthixo

2022 Okthoba 15, Mgqibelo

Kambe ke, ukudla ubomi, kum kukuthobela uKrestu. Ukufa ke kona kuzisa lukhulu.

KWABASEFILIPI 1:21 UYesu ukufa ubomi

2022 Okthoba 14, Lwesihlanu

Ndiyamcela ukuba anikhanyisele nibe nokuqonda, khon' ukuze nilazi ithemba anibizele kulo, niziqonde iintsikelelo ezingaka ezililifa lemilowo yakhe.

KWABASE-EFESE 1:18 ukuqonda ithemba ukwamkela

2022 Okthoba 13, Lwesine

Kufana nomgibe emntwini xa enikezele ngento kuNdikhoyo buphuthu-phuthu,
aze kamva acinge ngenye indlela ngezibhambathiso zakhe.

IZAFOBE 20:25 ubungcwele ubulungisa

2022 Okthoba 12, Lwesithathu

Kuba iziBhalo zithi:
“Ndingophilayo nje, itsho iNkosi, aya kugoba kum onke amadolo,
zimdumise uThixo zonke iilwimi.”

KWABASEROMA 14:11 ukuthobeka unqulo ukuvuma

2022 Okthoba 11, Lwesibini

Kungenxa yale nto ke singethi mandla nje. Kaloku imo yethu entsha isuka ihlaziyeke ngokuhlaziyeka, nokuba imo yethu endala yona iya isonakala ngokonakala.

2 KWABASEKORINTE 4:16 ubuhle ukhuthazo ukwamkela

2022 Okthoba 10, Mvulo

Ngamana angamkeleka kuwe, Ndikhoyo,
amazwi am neengcamango zentliziyo yam,
wena mkhuseli wam nomkhululi wam.

INdumiso 19:14 ukuthetha umthandazo intliziyo

2022 Okthoba 9, Cawe

INkosi le ke nguMoya. Apho ke ukhona uMoya weNkosi kubakho inkululeko.

2 KWABASEKORINTE 3:17 inkululeko Umoya uMoya oyiNgcwele

2022 Okthoba 8, Mgqibelo

Kodwa uNdikhoyo nize nimthobele nimkhonze ninyanisekile ngomxhelo uphela. Kaloku nizibonile ukuba zinkulu kwazo izinto anenzele zona.

1 KASAMWELI 12:24 ukumoyika uthixo ukukhonza intliziyo

2022 Okthoba 7, Lwesihlanu

Ubulungisa buyasiphakamisa isizwe;
ke sona isono lihlazo nakwesiphi na isizwe.

IZAFOBE 14:34 isono ubulungisa

2022 Okthoba 6, Lwesine

Njengoko sikholwa, sígwetyelwe nguThixo, sinoxolo naye ngenxa yeNkosi yethu uYesu Krestu.

KWABASEROMA 5:1 ukholo ubulungisa uxolo

2022 Okthoba 5, Lwesithathu

Wawaphendula uYesu wathi: “Ndithi kuni, inene, bonke abenza isono bangamakhoboka esono.”

UYOHANE 8:34 ukuba likhoboka isono ubukhoboka

2022 Okthoba 4, Lwesibini

NguNdikhoyo okhokelela umntu kwindlela amakahambe ngayo;
nguye omenza akholeke kuye.

INdumiso 37:23 ukukhonza ukuthobela thembela

2022 Okthoba 3, Mvulo

Njengokuba ke isono salawula ngokufa, ngokunjalo nobabalo lulawula ngokwenziwa kwethu amalungisa nguThixo. Lonu lusikhokelela ebomini obungonaphakade ngenxa kaYesu Krestu iNkosi yethu.

KWABASEROMA 5:21 isono ubabalo ubomi obungunaphakade

2022 Okthoba 2, Cawe

Ngamandla akhe uThixo usenzele zonke izinto eziyimfuneko ebomini, ukuze siziphathe ngokwentando yakhe; nokuze sazane nalowo usibizileyo, khon' ukuze sibuxhamle ubuqaqawuli nesidima sakhe.

2 KAPETROS 1:3 amandla ubomi ukwamkela