Gcina (Novemba 2022)

2022 Novemba 30, Lwesithathu

Ekugqibeleni ke, mawethu, ndithi salani kakuhle. Zamelani ukuba ningabi nampazamo; zigqaleni iziyalo; visisanani, nihlale ngoxolo. Ngoko ke uThixo wothando noxolo uya kuba nani.

2 KWABASEKORINTE 13:11 ubomi uxolo uthando

2022 Novemba 29, Lwesibini

Zingisani ukuthandaza, niphaphile, ninombulelo kuThixo.

KWABASEKOLOSE 4:2 umbulelo umthandazo

2022 Novemba 28, Mvulo

Ewe, konke okushukumayo makudume kubonge uNdikhoyo!
Masidanduluke sonke sithi: “Bayethe, Mhlekazi!”

INdumiso 150:6 unqulo dumisani

2022 Novemba 27, Cawe

Kodwa yena ongenalo uthando akamazi uThixo, kuba uThixo uluthando.

1 KAYOHANE 4:8 uthando uThixo

2022 Novemba 26, Mgqibelo

Ke ukuba kukho bani uswele ubulumko, makabucele kuThixo. UThixo onobubele nesisa kubo bonke abantu, womnika.

EKAYAKOBI 1:5 ubulumko ukwamkela isisa

2022 Novemba 25, Lwesihlanu

Kubhetele ukuba lihlwempu elihlonela uNdikhoyo
kunokuba sisinhanha esiphethwe ngamaxhala.

IZAFOBE 15:16 imali ukumoyika uthixo ukuthanda izinto eziphathekayo

Ke kaloku ndaziva izidalwa nayo yonke indalo, ezulwini nasemhlabeni, phantsi komhlaba naselwandle, zidanduluka zisithi:
“Kulowo uhleli esihlalweni sokulawula, nakulo iXhwane,
mayibekho indumiso nesithozela, ubungangamsha namandla,
ngonaphakade kanaphakade!”

ISITYHILELO 5:13 indalo unqulo umbulelo

2022 Novemba 23, Lwesithathu

Wonke umsebenzi wenzeni ngothando.

1 KWABASEKORINTE 16:14 uthando umsebenzi

2022 Novemba 22, Lwesibini

Nantoni na ke eniyenzayo, nokuba niyathetha, nokuba niyenza, yenzeleni egameni leNkosi uYesu, nibulela uThixo uYise ngayo.

KWABASEKOLOSE 3:17 ukuthetha umbulelo ukulandela

2022 Novemba 21, Mvulo

LelikaNdikhoyo ihlabathi liphela, nako konk' okukulo;
ndixel' ilizwe elimiweyo kunye nabemi balo.

INdumiso 24:1 uThixo ubomi usomandla

2022 Novemba 20, Cawe

Nantsi indlela asibonise ukusithanda kwakhe ngayo uThixo: Wathumela uNyana okuphela kwakhe emhlabeni, ukuze thina sidle ubomi ngaye.

1 KAYOHANE 4:9 uthando UYesu ubomi

2022 Novemba 19, Mgqibelo

Ndinixelele ezi zinto ukuze nibe noxolo, kuba nimanyene nam. Ehlabathini niya kubandezeleka; kodwa musani ukuxhalaba, kuba mna ndiloyisile ihlabathi.

UYOHANE 16:33 ukhuthazo uxolo ukoyisa

2022 Novemba 18, Lwesihlanu

Ndiphilise, Ndikhoyo, ndiphile qete.
Ndisindise, khon' ukuze ndisinde.
Kaloku nguwe udumo lwam.

UJEREMIYA 17:14 ukugula dumisani ukuphilisa

2022 Novemba 17, Lwesine

Ke uThixo oziphengululayo iintliziyo uyazazi iingcamango zoMoya, kuba kaloku uMoya uthethelela abantu bakaThixo ngokwentando kaThixo.

KWABASEROMA 8:27 Umoya umlamli

2022 Novemba 16, Lwesithathu

Ndiphetha ngelithi: Velanani, nibe moya mnye. Thandanani, nenzelane ububele, nilulamelane.

1 KAPETROS 3:8 ukuthobeka uluntu ummelwane

2022 Novemba 15, Lwesibini

Wena Thixo, unguThixo wam, ndithe swi nguwe.
Umphefumlo wam uyakulangazelela.
Ndihlala ndizula-zula ndikufuna;
ndinxanele wena oku komhlaba obharhileyo.

INdumiso 63:1 unqulo ukufuna umphefumlo

2022 Novemba 14, Mvulo

Ze ningabi ndize kuchitha umthetho kaMosis nomyalelo wabashumayeli bamandulo. Andizanga kuchitha; ndize kuzalisekisa.

UMATEWU 5:17 umthetho UYesu isiprofeto

2022 Novemba 13, Cawe

Kaloku ngoKrestu uThixo wayelixolelanisa naye ngokwakhe ihlabathi, engasababeki tyala abantu ngezono zabo, waza wasiphathisa umsebenzi woxolelaniso.

2 KWABASEKORINTE 5:19 isono usindiso UYesu

2022 Novemba 12, Mgqibelo

Kanti ngenene buthwelwe nguye ubuthathaka bethu,
inkxwaleko yethu yâsemagxeni akhe.
Ngenene thina besiba ubandezelekile,
sisithi uyabethwa nguThixo.

UISAYA 53:4 ukubandezeleka UYesu ukugula

2022 Novemba 11, Lwesihlanu

Ngezi ndaba zimnandi kaloku kutyhilwa indlela uThixo asenza amalungisa ngayo: kungokholo qha, njengoko zitshoyo neziBhalo ukuthi: “Ngokholo lwakhe olilungisa uya kudla ubomi.”

KWABASEROMA 1:17 ukholo ubulungisa usindiso