Gcina (Septemba 2022)

2022 Septemba 30, Lwesihlanu

Isela lizele kuphela ukuba libe, lixhele, litshabalalise. Mna ndizele ukuba abantu babe nobomi, obona bupheleleyo.

Into yonke uyimisele ixesha layo. Umntu yena umnike ulangazelelo lokuqonda nangamaxesha angamiselwanga. Kodwa ke umntu akafikeleli ekuyazini into eyenziwa nguThixo ukususela ekuqaleni kuye esiphelweni.

AMAVA ENGQONDI 3:11 indalo ukuqonda ubomi

2022 Septemba 28, Lwesithathu

Hayi inyhweba yomntu ongahambiyo ngecebo labantw' abagwenxa,
ongahambiyo ekhondweni lamatshijolo,
umnt' ongadlelaniyo nabaphoxisayo.

INdumiso 1:1 isono ubulungisa intsikelelo

2022 Septemba 27, Lwesibini

Bahlonele abahlolokazi; ndithetha abahlolokazi ngenene.

1 KUTIMOTI 5:3 ummelwane uluntu abahlolokazi

2022 Septemba 26, Mvulo

Lushumayele udaba, zingisa ukuluvakalisa ngamathuba alungileyo naxakileyo. Baqononondise abantu, ukhalime, ubakhuthaze, ufundisa ngomonde.

2 KUTIMOTI 4:2 ukuvangela isohlwayo umonde

2022 Septemba 25, Cawe

Umntu oyithandayo ingqeqesho uthanda ulwazi;
kodwa ke yena ongafuni kululekwa usisityhakala.

IZAFOBE 12:1 ukuqonda ukufunda ukuphulaphula

2022 Septemba 24, Mgqibelo

Guqukani! Rhoxani kuzo zonke izikreqo enizenzayo, ukuze ningatshabalali ngenxa yenkohlakalo yenu.

UHEZEKILE 18:30b uguqulo isono isohlwayo

2022 Septemba 23, Lwesihlanu

Ngokunjalo ndithi kuni kuya kubakho uvuyo kwizithunywa zikaThixo ngomoni omnye oguqukayo.

ULUKA 15:10 uvuyo iingelosi inguquko

2022 Septemba 22, Lwesine

Mna ndiya kuxhamla inkululeko,
kuba ndihamba ngemimiselo yakho.

INdumiso 119:45 inkululeko umthetho ukufuna

2022 Septemba 21, Lwesithathu

Utsho ke uNdikhoyo kwindlu kaSirayeli ukuthi:
“Quqelani kum, niphile.”

UAMOS 5:4 ukufuna ubomi

2022 Septemba 20, Lwesibini

Sikhululwe sazixolelwa izono zethu ngegazi likaKrestu. Siyaphuphuma kuthi isisa.

KWABASE-EFESE 1:7 isono UMsindisi uxolelo

2022 Septemba 19, Mvulo

Umntu oyifihlayo intiyo lixoki;
ke yena osasaza iindaba zolwimi sisiyatha.

IZAFOBE 10:18 ukuthetha ukuhleba ukuxoka

2022 Septemba 18, Cawe

Masithini na ke ngezi zinto? Ukuba uThixo ungakuthi ngubani onokusichasa?

KWABASEROMA 8:31 uThixo ukhuthazo ukukhuselwa

2022 Septemba 17, Mgqibelo

Ngoko ke nathi ngokwethu siyalwazi, saye sikholosa ngalo uthando aluthululele kuthi uThixo.
UThixo uluthando, yaye nabani na ohlala eluthandweni uhlala emanyene noThixo, noThixo uhlala emanyene naye.

1 KAYOHANE 4:16 thembela uthando uThixo

2022 Septemba 16, Lwesihlanu

Ewe, Thixo, intliziyo yam yidale ngokutsha, ibe nyulu;
wuhlaziye umoya wam, ndikhaliphe.

INdumiso 51:10 ukusulungekiswa Umoya intliziyo

2022 Septemba 15, Lwesine

Uyabona, ndimi emnyango ndinkqonkqoza. Ukuba umntu uyeva aze avule, ndiya kungena ndihlale naye, sitye kunye.

ISITYHILELO 3:20 ukuthobela ukutya ukuphulaphula

2022 Septemba 14, Lwesithathu

Kaloku zonke izinto ziphuma kuyo iNkosi, zikho ngayo, zikholo yona. Mayidunyiswe ke iNkosi kude kube ngunaphakade! Amen.

KWABASEROMA 11:36 indalo unqulo umbulelo

2022 Septemba 13, Lwesibini

Banoyolo abo batshutshiswayo ngokuba besenza ubulungisa, kuba balawulwa nguThixo bona!

UMATEWU 5:10 ubulungisa ubukumkani intshutshiso

2022 Septemba 12, Mvulo

Xa nditshoyo ke andikhalazeli kuswela. Kaloku mna ndafunda ukwanela nakuyiphi na imeko endikuyo.

KWABASEFILIPI 4:11 thembela ukuxhomekeka ukwaneliseka

2022 Septemba 11, Cawe

Mandiphethe ngelithi, mawethu, hlalani nicinga ngezinto eziyinyaniso nezindilekileyo nazo zonke izinto ezilungileyo nezinyulu, zonke ezithandekayo nezinesidima, nangezinto ezintle ngokupheleleyo kwanezincomekayo.

KWABASEFILIPI 4:8 inyaniso ubulungisa iingcamango

2022 Septemba 10, Mgqibelo

Kaloku, wena Thixo, usivavanyile;
usicikide njengesiliva.

INdumiso 66:10 isilingo ukubandezeleka ukusulungekiswa

2022 Septemba 9, Lwesihlanu

IziBhalo kaloku zithi: “Lowo ukholwayo kuye akayi kudaniswa.”

KWABASEROMA 10:11 ILizwi likaThixo ukholo ukuthembeka

2022 Septemba 8, Lwesine

Mhla wavela umntu uzalwa ngunina ezé;
mhla andulukayo uhamba kwangolo hlobo eze ngalo.
Kuko konke ukubulaleka kwakhe umntu apha emhlabeni
umka engaphathanga nto ngesandla sakhe.

AMAVA ENGQONDI 5:15 ukubawa ukuthanda izinto eziphathekayo izulu