Gcina (Janyuwari 2020)

2020 Janyuwari 31, Lwesihlanu

Kaloku uThixo ihlabathi ulithande kangangokuba ude wancama uNyana okuphela kwakhe, ukuze wonke umntu ozinikele kuye ngokupheleleyo angatshabalali, koko abe nobona bomi bungenasiphelo.

UYOHANE 3:16 ubabalo ubomi obungunaphakade ukholo

2020 Janyuwari 30, Lwesine

Umntu uyalucwangcwisa uhambo lwakhe,
kodwa nguNdikhoyo olawula ukunyathela kwakhe.

IZAFOBE 16:9 ukucwangcisa umtshato ukuxhomekeka

2020 Janyuwari 29, Lwesithathu

Uze uyithande ke iNkosi uThixo wakho ngentliziyo yakho iphela, nangomphefumlo wakho uphela, nangengqondo yakho iphela, nangamandla akho ephela.

UMARKO 12:30 uthando uThixo amandla

2020 Janyuwari 28, Lwesibini

Ke, ndithi kuni, ngomhla womgwebo abantu baya kuziphendulela ngelizwi ngalinye eliphuthileyo abathe balithetha.

UMATEWU 12:36 ukuthetha umgwebo

2020 Janyuwari 27, Mvulo

Ewe, Thixo, intliziyo yam yidale ngokutsha, ibe nyulu;
wuhlaziye umoya wam, ndikhaliphe.

INdumiso 51:10 ukusulungekiswa Umoya intliziyo

2020 Janyuwari 26, Cawe

Aa, Mhlekazi Ndikhoyo, wena wasolula isandla sakho, wawenza umhlaba nesibhakabhaka ngamandla akho amakhulu! Akukho nanye into ekunqabelayo wena!

UJEREMIYA 32:17 indalo amandla izulu

2020 Janyuwari 25, Mgqibelo

Ziphoseni kuye zonke iingxaki zenu; kaloku nguye onalusayo.

1 KAPETROS 5:7 uloyiko ukukhathazeka ubuthathaka

2020 Janyuwari 24, Lwesihlanu

Umfanekiso womntu emanzini ubonakalisa inkangeleko yakhe;
ngokunjalo nentliziyo yomntu ibonakalisa into ayiyo.

IZAFOBE 27:19 ubomi intliziyo

2020 Janyuwari 23, Lwesine

Kuba iziBhalo zithi:
“Ndingophilayo nje, itsho iNkosi, aya kugoba kum onke amadolo,
zimdumise uThixo zonke iilwimi.”

KWABASEROMA 14:11 ukuthobeka unqulo ukuvuma

2020 Janyuwari 22, Lwesithathu

Hlalani ngoxolo nabo bonke abantu. Yibani nyulu, kuba ngaphandle kobunyulu akukho mntu uya kuyibona iNkosi.

KUMAHEBHERE 12:14 ubungcwele uxolo ubomi

2020 Janyuwari 21, Lwesibini

Zingekadalwa iintaba, ungekalenzi ilizwe nehlabathi,
ubusel' ukade unguThixo wena kwanini-nini.

INdumiso 90:2 indalo uThixo ukuqonda

Kananjalo isibane asilunyekwa siqutyudelwe ngethunga; koko sixhonywa endaweni yaso, sikhanyisele bonke abasendlwini. Makukhanye ngokukwanjalo ukukhanya kwenu phambi kwabantu, ukuze bayibone imisebenzi yenu elungileyo, bamdumise uYihlo osezulwini.

UMATEWU 5:15-16 ukuvangela unqulo ukulunga

2020 Janyuwari 19, Cawe

Nina makhosikazi, bathobeleni ngokuzinikela abayeni benu, kuba yimfanelo yenu yobuKrestu leyo.
Nina madoda, bathandeni abafazi benu, ningabi ngqwabalala.

KWABASEKOLOSE 3:18-19 ukuthobeka umtshato ubudlelwane

2020 Janyuwari 18, Mgqibelo

Ozingela ubulumko uyazithanda ngokwakhe;
okuxabisileyo ukuqonda uzuza ukonwaba.

IZAFOBE 19:8 ubulumko ubomi ingqondo

2020 Janyuwari 17, Lwesihlanu

Ke ukunyamekela izinto zesimo esonakeleyo kusa ekufeni, kanti ke ukunyamekela ezoMoya kusa ebomini naseluxolweni.

KWABASEROMA 8:6 Umoya uxolo ubomi

2020 Janyuwari 16, Lwesine

Inene, lingaphela izulu nehlabathi, kodwa akuyi kupheliswa nalinye iganyana nokuba lisuntswana emthethweni, kungathanga kwenzeka konke.

UMATEWU 5:18 ukuthembeka ILizwi likaThixo umthetho

2020 Janyuwari 15, Lwesithathu

Ndiya kuphumla ngenzolo, ndilale;
nguwe kuphela kaloku, Ndikhoyo, ondinqabisayo.

INdumiso 4:8 ukhuseleko phumla uxolo

2020 Janyuwari 14, Lwesibini

Niyiphilise imilwelwe elapho, nithi kubo: ‘Luthwasile ulawulo lukaThixo!’

ULUKA 10:9 ukuphilisa ukugula ukusondela

2020 Janyuwari 13, Mvulo

Zamelani ukuhlala ngoxolo niyilaa mbumba yamanyama wanenza nayiyo uMoya oyiNgcwele.

KWABASE-EFESE 4:3 Umoya uluntu uxolo

2020 Janyuwari 12, Cawe

UThixo olizwi ndilidumisayo
ndikholosa ngaye ndingenadyudyu.
Soze andenze nto umntu.

INdumiso 56:4 thembela uloyiko ILizwi likaThixo

2020 Janyuwari 11, Mgqibelo

Ewe, kaloku nguye idini elicamagushela izono zethu. Phofu akacamagusheli ezethu kuphela, koko ucamagushela ezehlabathi liphela.

1 KAYOHANE 2:2 isono UMsindisi uxolelo

2020 Janyuwari 10, Lwesihlanu

Nina ke, bazali, abantwana musani ukubaphatha gadalala, bade babe nenzondo, koko banikeni ingqeqesho nemiyalo yobuKrestu.

KWABASE-EFESE 6:4 umthetho usapho abantwana

2020 Janyuwari 9, Lwesine

UNdikhoyo uyamcaphukela umntu oxokayo,
kodwa uyakholiswa ngonyanisekileyo.

IZAFOBE 12:22 ukuxoka ukuthetha ukunyaniseka

2020 Janyuwari 8, Lwesithathu

Kodwa ke uThixo onceba inkulu, ngenxa yendlela asithanda ngayo, usidlise ubomi kunye noKrestu, naxa besinjengabafileyo nje ngenxa yezono zethu. Kambe ke nakhululwa ngenxa yesisa sikaThixo.

KWABASE-EFESE 2:4-5 inceba uthando UYesu

2020 Janyuwari 7, Lwesibini

Wonke ke umntu owevayo la mazwi am, aze awenze, unokufanekiswa nendoda eyingqondi, ethe yayakhela phezu kwesiseko samatye indlu yayo.

UMATEWU 7:24 ILizwi likaThixo ubulumko ukuphulaphula

2020 Janyuwari 6, Mvulo

Kaloku uNdikhoyo uyakuthanda okulungileyo;
akayi kubafulathela abantu bakhe.
Wasoloko ebakhusela uNdikhoyo,
kodwa yona inzala yamatshijolo iyanqunyulwa.

INdumiso 37:28 ubomi obungunaphakade ukuthembeka ubulungisa

2020 Janyuwari 5, Cawe

Ke uMmeli uMoya oyiNgcwele, lowo uBawo aya kumthuma egameni lam, uya kunifundisa zonke izinto, anikhumbuze ngako konke endithe ndanixelela kona.

UYOHANE 14:26 umthuthuzeli uMoya oyiNgcwele UTata

2020 Janyuwari 4, Mgqibelo

Thwalisanani ubunzima; xa nenjenjalo ke nithobela umyalelo kaKrestu.

KUMAGALATI 6:2 umthetho ukubandezeleka ummelwane

2020 Janyuwari 3, Lwesihlanu

Kaloku nguNdikhoyo onika ubulumko;
luphuma emlonyeni wakhe ulwazi nokuqonda.

IZAFOBE 2:6 ILizwi likaThixo ubulumko

2020 Janyuwari 2, Lwesine

Ke ngoko othe wajika nokuba mnye kule mithetho mincinane, wakufundisa abantu oko, kothiwa ungoyena mncinane kwabalawulwa nguThixo. Kanti ke othe wawenza umthetho, wawufundisa, woba newonga kwabalawulwa nguThixo.

UMATEWU 5:19 umthetho ubukumkani izulu