Gcina (Disemba 2019)

2019 Disemba 31, Lwesibini

Wena unguThixo wam,
ngoko ke ndifundise ukuthanda kwakho.
UMoya wakho wobubele
makandikhokelele endleleni esisithabazi!

INdumiso 143:10 ukufunda Umoya ukuthobela

Nanjengoko zitshoyo iziBhalo ukuthi:
“Lowo unga angabudla ubomi abe nenkqubela
makazilumle ekuthetheni kakubi,
ayeke ukuthetha ubuxoki.
Makahlukane nobubi, enze okulungileyo;
makaphuthume uxolo, ahlale kulo.”

1 KAPETROS 3:10-11 uthando uxolo ubomi

2019 Disemba 29, Cawe

Ngoku ke, kulowo unako ukwenza ngaphezu kokuba sicela nokuba siqiqa, ngamandla akhe asebenza ngaphakathi kuthi: Makubekho udumo kuThixo ebandleni, nakuKrestu Yesu, kuse kuzo zonke izizukulwana ngonaphakade kanaphakade. Amen.

KWABASE-EFESE 3:20-21 ukuthobeka unqulo amandla

2019 Disemba 28, Mgqibelo

Awu, Thixo Somandla, yiba nebuyambo;
velana nathi usisindise!

INdumiso 80:19 usindiso ukuxhomekeka usomandla

2019 Disemba 27, Lwesihlanu

Xa ningabaxoleli abantu izigqitho zabo, noYihlo akayi kunixolela iziphoso zenu.

UMATEWU 6:15 uxolelo isono UTata

2019 Disemba 26, Lwesine

Lunje ke olu thando: Ayisithi esamthandayo uThixo, koko nguye owasithandayo, wasinika uNyana wakhe, ukuze acamagushele izono zethu.

1 KAYOHANE 4:10 isono uthando UMsindisi

2019 Disemba 25, Lwesithathu

Andithi na kaloku thina sizalelwe umntwana;
kaloku thina silizwe ngonyana.
Nguye ke oya kulawula.
Ke yena wothiywa igama kuthiwe
nguMcebisi omangalisayo,
uThixo oligorha,
uSonini-nanini,
iTshawe loxolo.

UISAYA 9:6 uMesiya UYesu UTata

2019 Disemba 24, Lwesibini

Makadunyiswe uThixo kweliphezulu,
kube luxolo emhlabeni kubantu abamkholisayo.

ULUKA 2:14 krisimesi uxolo iingelosi

2019 Disemba 23, Mvulo

UJosefu ke waphuma kwelaseGalili, kwidolophu iNazarete, waya kwelakwaJuda, kwidolophu kaDavide eyiBhetelehem, kuba wayengowomlibo kaDavide. Wayesiya kubhalisa, enoMariya owayesendela kuye. Yena wayeselekhulelwe.

ULUKA 2:4-5 krisimesi

2019 Disemba 22, Cawe

Ewe, nguwe inqaba yam nekhusi lam;
ndikhokele, undithundeze, lidunyiswe igama lakho.

INdumiso 31:3 uThixo unqulo ubomi

2019 Disemba 21, Mgqibelo

Yiyo ke loo nto ndithi umkhulu, wena Ndikhoyo Nkosi yam. Akukho onjengawe, kungekho naThixo ngaphandle kwakho, njengoko sazivelayo ngezi zethu iindlebe.

2 KASAMWELI 7:22 uThixo unqulo

2019 Disemba 20, Lwesihlanu

Kaloku omphikayo uNyana uyamphika kwanoYise; ukanti ke omamkelayo uNyana umamkele noYise.

1 KAYOHANE 2:23 UYesu UTata ukuvuma

2019 Disemba 19, Lwesine

Kufana nomgibe emntwini xa enikezele ngento kuNdikhoyo buphuthu-phuthu,
aze kamva acinge ngenye indlela ngezibhambathiso zakhe.

IZAFOBE 20:25 ubungcwele ubulungisa

2019 Disemba 18, Lwesithathu

Nihlale nithobekile ngawo onke amaxesha, ninobulali nomonde, ninyamezelana ngothando.

KWABASE-EFESE 4:2 uthando ukuthobeka umonde

2019 Disemba 17, Lwesibini

Kambe ke, ukudla ubomi, kum kukuthobela uKrestu. Ukufa ke kona kuzisa lukhulu.

KWABASEFILIPI 1:21 UYesu ukufa ubomi

2019 Disemba 16, Mvulo

Khanibuxhamle ububele bukaNdikhoyo;
ngenene unoyolo umntu othembela ngoNdikhoyo!

INdumiso 34:8 uThixo intsikelelo phumla

2019 Disemba 15, Cawe

Ngaphezu koko ke hlalani nithandana, kuba kaloku uthando luyazingcwaba izono.

1 KAPETROS 4:8 isono uthando ummelwane

2019 Disemba 14, Mgqibelo

Ngoku nisilahlileyo isimo esidala sanukuxokisana. Kaloku ngoku nambethe isimo esitsha, athe chu kuhle ukusihlaziya uThixo, ukuze sifuze yena mdali waso, nokuze nani nimazi ngokupheleleyo.

KWABASEKOLOSE 3:9-10 ukuxoka ubomi uguqulo

2019 Disemba 13, Lwesihlanu

Ndikhwebule kubuqhetseba nokuxoka;
mandingade ndibe sisityebi okanye ndihlwempuzeke,
nto nje ndiqhekezele isonka sam semihla ngemihla.

IZAFOBE 30:8 ukuthanda izinto eziphathekayo ukutya imali

2019 Disemba 12, Lwesine

Ngoku ke usalindele ntoni? Vuka, ubhaptizwe, zixolelwe izono zakho ngokubiza igama lakhe.

UMSEBENZI WABATHUNYWA 22:16 ubhaptizo isono ukusulungekiswa

2019 Disemba 11, Lwesithathu

Hlonelani iNkosi uKrestu ehleli kuni ngaphakathi, nihlale nilungele ukuphendula nabani na onibuza ngethemba eniqamele ngalo.

1 KAPETROS 3:15 ukuvangela UYesu ithemba

2019 Disemba 10, Lwesibini

Zilahlele kuNdikhoyo, ukholose ngaye;
yena ke wokwenzelelela.
Wobutyhila bukhanye njengelanga ubulungisa bakho,
kucace mhlophe ukulunga kwakho.

INdumiso 37:5-6 thembela ubulungisa ubomi

2019 Disemba 9, Mvulo

Thina kaloku sanikwa lo myalelo yiNkosi:
“ ‘Ndikumisele ukuba ube sisibane sokukhanyisela iintlanga,
ube yindlela yokusindiswa kwalo lonke elimiweyo.’”

UMSEBENZI WABATHUNYWA 13:47 ukuvangela usindiso ukukhanya

2019 Disemba 8, Cawe

Ilizwi likaThixo liyaphila, liyasebenza. Libukhali ngaphezu kwekrele elibazwe macala. Lihlabanisela liye kuthi xhokro embindini, phakathi komzimba nomphefumlo, nasekudibaneni kwamathambo nomongo. Liyazihluza lizicalu-calula iingcamango neminqweno yabantu.

KUMAHEBHERE 4:12 ILizwi likaThixo amandla iingcamango