Gcina (Janyuwari 2017)

2017 Janyuwari 31, Lwesibini

Xa ndandisebunzimeni ndabhenela kuNdikhoyo,
waza yena wasabela wandihlangula.

INdumiso 118:5 umthandazo ukuxhomekeka umthuthuzeli

2017 Janyuwari 30, Mvulo

Nguye owasisindisayo wasibiza ukuba sibe ngabanyuliweyo, kungengamisebenzi yethu, kodwa ngenxa yenjongo nobubele bakhe. Wasenzela obu bubele ngoKrestu Yesu kwantlandlolo.

2 KUTIMOTI 1:9 ubabalo ubungcwele usindiso

2017 Janyuwari 29, Cawe

IziBhalo kaloku zithi: “Lowo ukholwayo kuye akayi kudaniswa.”

KWABASEROMA 10:11 ILizwi likaThixo ukholo ukuthembeka

2017 Janyuwari 28, Mgqibelo

Bamele ubabonelele ngokwasemthethweni;
ncedisana nabo abahlelelekileyo nabasweleyo.

IZAFOBE 31:9 ubulungisa ukuthetha ukupha

2017 Janyuwari 27, Lwesihlanu

Khumbulani le nto, zihlobo zam: Wonke ubani makakhawuleze ukuva; kodwa makangakhawulezi ukuthetha, angakhawulezi nokucaphuka.

EKAYAKOBI 1:19 ukuthetha ukuphulaphula umsindo

2017 Janyuwari 26, Lwesine

Nguye owazenza idini ngenxa yethu, wasikhupha ekudeleni umthetho. Wasenza abantu bakhe abanyulu, abalangazelela ukwenza okulungileyo.

KUTITO 2:14 umbingelelo ukusulungekiswa ukulunga

2017 Janyuwari 25, Lwesithathu

Ndibhenela kuwe, Thixo wam:
khawundigoca-goce, undiphicothe, undiqondisise;
ndivavanye uziqonde iingcamango zam!
Ndiqwalasele, hleze ndithi kanti ndiphambukile;
undikhokelele kwindlela eyeyona-yona.

INdumiso 139:23-24 ubomi obungunaphakade ubungcwele ubulungisa

2017 Janyuwari 24, Lwesibini

Zonke izinto ke enifuna ukuba abantu bazenze kuni, yenzani ezikwanjalo nani kubo. Yiyo leyo ke intsingiselo yomthetho kaMosis nomyalelo wabashumayeli bamandulo.

UMATEWU 7:12 umthetho ummelwane ubudlelwane

2017 Janyuwari 23, Mvulo

Bantwana bam, uthando lwethu malungabi lolomlomo nje kuphela, koko malube lolungahanahanisiyo, lubonakaliswa ngezenzo.

1 KAYOHANE 3:18 ukunyaniseka inyaniso ukuthetha

2017 Janyuwari 22, Cawe

Kaloku uNdikhoyo uwalusile amalungisa,
uyayiva imithandazo yawo.

INdumiso 34:15 ubulungisa ukuphulaphula

2017 Janyuwari 21, Mgqibelo

Kum uxabisekile ke kambe;
yeka elo wonga, andikuthandi ngako!
Ndincam' izizwe ngenxa yakho;
ndinikezel' iintlanga, ndizuze wena.

UISAYA 43:4 uthando usindiso ukhuthazo

2017 Janyuwari 20, Lwesihlanu

Uthembekile lo unibizayo; uya kuyenza yonke le nto.

1 KWABASETESALONIKA 5:24 ubizo uthembekile ILizwi likaThixo

2017 Janyuwari 19, Lwesine

Umntu ongaqiqiyo akayikhathalele imfundiso kayise;
kambe ke yena ozamkelayo iziluleko unengqondo.

IZAFOBE 15:5 UTata ubulumko abantwana

2017 Janyuwari 18, Lwesithathu

Le miyalelo ndikunika yona namhlanje mayilawule bonke ubomi bakho. Uze uyibethelele ekufundiseni abantwana bakho, uthethe ngayo xa usekhaya, kanti noba useluhambeni, naxa ulalayo, ngokunjalo naxa uvukayo.

UHLAZIYO-MNQOPHISO 6:6-7 umthetho usapho abantwana

2017 Janyuwari 17, Lwesibini

Ndim isango; othe wangena ngam wosindiswa. Wongena ephuma, atye anele.

UYOHANE 10:9 UYesu usindiso

2017 Janyuwari 16, Mvulo

Ndakuxineka ndikholosa ngawe.

INdumiso 56:3 thembela uThixo uloyiko

2017 Janyuwari 15, Cawe

Khala kum, ndikuphendule, ndikwazise izinto ezinkulu ezingenakugocagocwa, obukade ungaziqondi.

UJEREMIYA 33:3 umthandazo ukuqonda ukuphulaphula

2017 Janyuwari 14, Mgqibelo

Lindani nithandaze, ukuze ningangeni ekuhendweni. Intliziyo yona okunene inentumekelelo, ke wona umzimba ubuthathaka.

UMATEWU 26:41 umthandazo isilingo iminqweno

2017 Janyuwari 13, Lwesihlanu

Umntu onobugwenxa udala ingxabano;
umntu ohlebayo wahlukanisa izihlobo.

IZAFOBE 16:28 ukunyaniseka ukuhleba ubuhlobo

2017 Janyuwari 12, Lwesine

Ngubani ke onokusahlukanisa nothando lukaKrestu? Yimbandezelo na? Yinkxwaleko na? Yintshushiso na? Yindlala na? Bubuzé na? Yingozi na? Likrele na?

KWABASEROMA 8:35 uthando ukubandezeleka intshutshiso

2017 Janyuwari 11, Lwesithathu

Noko ke sanukuvuyela ukoyisa kwenu iindimoni, vuyani kuba amagama enu ebhaliwe kwaThixo.

ULUKA 10:20 uvuyo izulu ubomi obungunaphakade

2017 Janyuwari 10, Lwesibini

Kodwa ke mna ndiya kucula ndibonga amandla akho;
ndiya kumemelela kwasekuseni,
kuba uthando lwakho luyamangalisa.
Kaloku wena uyinqaba yam,
ungumqolomba ngomhla wembandezelo.

INdumiso 59:16 ukuthembeka amandla ukukhuselwa

2017 Janyuwari 9, Mvulo

Musani ukusunduzana. Izinto sanukuzenza ngokuzigwagwisa nangokuqhayisa. Ndaweni yaloo nto zithobeni, nibaphakamise kunani abanye abantu.

KWABASEFILIPI 2:3 ukuzingca ukuthobeka ummelwane

2017 Janyuwari 8, Cawe

Ngamana ke uNdikhoyo uThixo wethu waba nathi kwanjengokuba wayenabo noobawo; ngamana akangesishiyi okanye asilahle.

1 YOOKUMKANI 8:57 ukusondela ukuthembeka usapho

2017 Janyuwari 7, Mgqibelo

Ubutyebi obufunyenwe ngobuqhophololo abuphumelelisi,
kodwa ke kona ukuziphatha kakuhle kuhlangula ekufeni.

IZAFOBE 10:2 ukunyaniseka imali ubulungisa

2017 Janyuwari 6, Lwesihlanu

Ndiyanixelela ukuba ngokukwanjalo kuya kubakho uvuyo ezulwini nangomoni omnye oguqukayo kunamashumi alithoba anethoba lamalungisa angaswelanga nguquko.

ULUKA 15:7 uguqulo inguquko uvuyo