Gcina (Meyi 2021)

2021 Meyi 31, Mvulo

Le miyalelo ndikunika yona namhlanje mayilawule bonke ubomi bakho. Uze uyibethelele ekufundiseni abantwana bakho, uthethe ngayo xa usekhaya, kanti noba useluhambeni, naxa ulalayo, ngokunjalo naxa uvukayo.

UHLAZIYO-MNQOPHISO 6:6-7 umthetho usapho abantwana

2021 Meyi 30, Cawe

Ndakuxineka ndikholosa ngawe.

INdumiso 56:3 thembela uThixo uloyiko

2021 Meyi 29, Mgqibelo

Síthini na ke ngoko? Síhlale sihleli esonweni ukuze ubabalo lwande? Nakanye! Thina kaloku safa kuso isono. Singathini ke ukuba siqhubele phambili sisona?

KWABASEROMA 6:1-2 isono ubabalo ubomi

2021 Meyi 28, Lwesihlanu

Yizani kum, nina nonke nisindwayo, nibulalekayo; ndoniphumza.

UMATEWU 11:28 ithemba ukhuthazo phumla

2021 Meyi 27, Lwesine

Thetha ubamele abantu abangakwaziyo ukuzithethelela;
ncedisana nabo uwakhusele amalungelo eendwayinge.

IZAFOBE 31:8 ukuthetha ubuthathaka

2021 Meyi 26, Lwesithathu

Kambe maze ninyaniseke ngokupheleleyo ekuwuthobeleni umyalelo nomthetho eniwuwiselwe nguMosis isicaka sikaNdikhoyo, othi: ‘Mthande uNdikhoyo uThixo wakho; mthobele ezintweni zonke, uyigcine imiyalelo yakhe, unamathele kuye, umkhonze ngomxhelo wonke nangomoya wakho wonke.’

UYOSHUWA 22:5 umthetho intliziyo umphefumlo

2021 Meyi 25, Lwesibini

Zonke izinto ke enifuna ukuba abantu bazenze kuni, yenzani ezikwanjalo nani kubo. Yiyo leyo ke intsingiselo yomthetho kaMosis nomyalelo wabashumayeli bamandulo.

UMATEWU 7:12 umthetho ummelwane ubudlelwane

2021 Meyi 24, Mvulo

Nkosi yam, uyawazi umnqweno wam,
uyaziva zonke iincwina zam.

INdumiso 38:9 isilingo ukukhathazeka usizi

2021 Meyi 23, Cawe

Njengoko anyuselwe ewongeni kuThixo, wamkele uMoya oyiNgcwele, lowo wathenjiswayo nguYise. Le nto ke niyibonayo niyivayo ngoku kukugalelwa kwaloo Moya kuthi.

UMSEBENZI WABATHUNYWA 2:33 uMoya oyiNgcwele ipentekoste ukunyuka

2021 Meyi 22, Mgqibelo

INkosi uYesu Krestu mayibe sisikrweqe senu, ningasilungiseleli isimo senu esonakeleyo ukuze nanelise iinkanuko zaso.

KWABASEROMA 13:14 iminqweno ukuba likhoboka UYesu

2021 Meyi 21, Lwesihlanu

Nabu ke obona bomi: kukwazana nawe, wena Thixo unguye, ingabi wumbi; bazane naye lowo uthunywe nguwe, uYesu Krestu.

UYOHANE 17:3 ubomi obungunaphakade uThixo UYesu

2021 Meyi 20, Lwesine

Into ebhetele kukuzimela ngoNdikhoyo,
kunokuba uthembele ngomntu.

INdumiso 118:8 thembela ukhuseleko ukukhuselwa

2021 Meyi 19, Lwesithathu

Wanga ke uThixo, umthombo wethemba, angáthi ngokukholwa kwenu anivuyise kakhulu, aniphe uxolo, ukuze ithemba lenu liye lisanda ngokwanda ngamandla oMoya oyiNgcwele.

KWABASEROMA 15:13 ukholo Umoya ithemba

2021 Meyi 18, Lwesibini

Othe wabuzuza ubomi bakhe, wolahlekelwa bubo; nothe walahlekelwa bubomi bakhe ngenxa yam, wobuzuza.

UMATEWU 10:39 ubomi obungunaphakade ukubandezeleka ubomi

2021 Meyi 17, Mvulo

Abo bantliziyo zinenkohliso ngabo abacebi bobubi;
kambe ke abakhuthaza uxolo bazuza ulonwabo.

IZAFOBE 12:20 ububi uvuyo uxolo

2021 Meyi 16, Cawe

Ke yena othe wawasela amanzi endiya kumpha wona mna, soze anxanwe naphakade. Amanzi endiya kumnika wona, aya kuba ngumthombo ompompoza kuye, emnika obona bomi bungenasiphelo.

UYOHANE 4:14 ubomi obungunaphakade inguqu ukwamkela

2021 Meyi 15, Mgqibelo

Khala kum, ndikuphendule, ndikwazise izinto ezinkulu ezingenakugocagocwa, obukade ungaziqondi.

UJEREMIYA 33:3 umthandazo ukuqonda ukuphulaphula

2021 Meyi 14, Lwesihlanu

Khawundifundise iindlela zakho, Ndikhoyo,
khon' ukuze ndinamathele enyanisweni.
Ewe, ndifundise ukukuhlonela, Nkosi;
ndikunqule ndingankwalambisi.

INdumiso 86:11 ukufunda inyaniso ukuthembeka

2021 Meyi 13, Lwesine

UYesu ke waphuma nabafundi bakhe, wabasa ngaseBhetani; waza waphakamisa izandla zakhe, wabasikelela. Kwathi esabasikelela, wahlukana nabo, wanyuswa wasiwa ezulwini.

ULUKA 24:50-51 UYesu intsikelelo izulu

2021 Meyi 12, Lwesithathu

Kwinto yonke yibani ngcwele. Kaloku uThixo onibizileyo ungcwele.
Kanti ke neziBhalo zitsho ukuthi: “Yibani ngcwele, ngokuba mna ndingcwele.”

1 KAPETROS 1:15-16 ubungcwele ubomi ubizo

2021 Meyi 11, Lwesibini

Khawundisekele ngokwesithembiso sakho,
ungandiyekeli ndonganyelwe bububi.

INdumiso 119:133 isono ukulandela ububi

2021 Meyi 10, Mvulo

Masingadinwa ke kukwenza okulungileyo. Kuba xa sizingisa, lode lifike ixesha lokuvuna.

KUMAGALATI 6:9 ubulungisa ibuyiselo umonde

2021 Meyi 9, Cawe

Sinalo ke uthando kuba thina sathandwa nguThixo kuqala.

1 KAYOHANE 4:19 uthando uThixo

2021 Meyi 8, Mgqibelo

UThixo wethu usemazulwini;
yena wenza loo nto ayithandayo.

INdumiso 115:3 uThixo izulu ukuxhomekeka

2021 Meyi 7, Lwesihlanu

Ndobahlaziya abatyhafileyo, ndibondle abafa yindlala.

UJEREMIYA 31:25 ukhuseleko umphefumlo

2021 Meyi 6, Lwesine

Musani ukusunduzana. Izinto sanukuzenza ngokuzigwagwisa nangokuqhayisa. Ndaweni yaloo nto zithobeni, nibaphakamise kunani abanye abantu.

KWABASEFILIPI 2:3 ukuzingca ukuthobeka ummelwane

2021 Meyi 5, Lwesithathu

Kaloku xa omnye ethe wawa omnye unokuphakamisa ugxa wakhe. Mawoo ke lowo uyedwa xa athe wawa! Akukho bani unokumphakamisa.

AMAVA ENGQONDI 4:10 ubudlelwane ubuhlobo ummelwane

2021 Meyi 4, Lwesibini

Akukho namnye umntu owakha wambona uThixo. Abantu bamazi uThixo ngokumaziswa nguNyana okukuphela kwakhe, yena okwanguThixo, ohlala ehleli esenyongweni kuYise.

UYOHANE 1:18 UYesu UTata ukusondela

2021 Meyi 3, Mvulo

Ndikhoyo, wena unguThixo wam;
ndosuka ndikuthuthe ndikudumise.
Kuthi mandikutyibele ndibongisele
ngenxa yemisebenzi yakho ekhamnqisayo;
kaloku ngokuthembeka okukhulu
wena zonke uzifezekisile –
nditsho izicwangciso zakho zamandulo.

UISAYA 25:1 ukuthembeka uThixo unqulo