Novemba 2025

Amazwi elungisa afana nesiliva ecwengileyo;
ke zona iingcinga zesikhohlakali ziphuthile.

IZAFOBE 10:20 ixabisekile ubulungisa ukuthetha

2025 Novemba 29, Mgqibelo

Yaye uThixo wam wonibonelela kuzo zonke iintswelo zenu ngendyikityha yendyebo yakhe ekuKrestu Yesu.

KWABASEFILIPI 4:19 thembela UYesu intsikelelo

2025 Novemba 28, Lwesihlanu

Bonke abacela kuwe, baphe. Kothatha izinto zakho uzungabuye uzibize.

ULUKA 6:30 ityala ukupha isisa

2025 Novemba 27, Lwesine

Unethamsanqa umntu onika ngesisa,
lowo ungayiqhubi ngobuqhetseba imicimbi yakhe.

INdumiso 112:5 isisa inceba ukunyaniseka

2025 Novemba 26, Lwesithathu

Wathatha isonka ke, wabulela, wasiqhekeza, wabanika esithi: “Ngumzimba wam lo onikelwa ngenxa yenu. Oku kwenzeleni ukundikhumbula.”

ULUKA 22:19 isonka umzimba umbulelo

2025 Novemba 25, Lwesibini

UThixo ke esimisele isiCaka sakhe wasithumela kuni kuqala, ukuze anenzele inceba niguquke kwinkohlakalo yenu.

UMSEBENZI WABATHUNYWA 3:26 uvuko UYesu intsikelelo

2025 Novemba 24, Mvulo

Imfundiso yam iza kuchaphaza njengemvula,
itshone njengombeth' emhlabeni,
amazwi am awe njengomkhumezelo phezu kohlaza,
abe njengomvimbi phezu kotyani.

UHLAZIYO-MNQOPHISO 32:2 ILizwi likaThixo ukufunda

2025 Novemba 23, Cawe

Kodwa uNdikhoyo nize nimthobele nimkhonze ninyanisekile ngomxhelo uphela. Kaloku nizibonile ukuba zinkulu kwazo izinto anenzele zona.

1 KASAMWELI 12:24 ukumoyika uthixo ukukhonza intliziyo

2025 Novemba 22, Mgqibelo

Ke uThixo oziphengululayo iintliziyo uyazazi iingcamango zoMoya, kuba kaloku uMoya uthethelela abantu bakaThixo ngokwentando kaThixo.

KWABASEROMA 8:27 Umoya umlamli

2025 Novemba 21, Lwesihlanu

Andinadyudyu, kuba uNdikhoyo ungakum;
okokwakhe yena umntu akanakundenza nto konke.

INdumiso 118:6 uloyiko ukukhuselwa

2025 Novemba 20, Lwesine

Qondani kaloku nizikise ukuba uNdikhoyo uThixo wenu uyaniqeqesha njengomzali eqeqesha abantwana bakhe.

UHLAZIYO-MNQOPHISO 8:5 UTata ukufunda isohlwayo

2025 Novemba 19, Lwesithathu

Inye kuphela ke into endiyifunayo: kukwazana noKrestu, ndize nam ndiweve ukusebenza kwawo amandla okuvuka kwakhe, ndibe nenxaxheba kwiimbandezelo zakhe, ndimanywe naye ekufeni kwakhe.

KWABASEFILIPI 3:10 ukubandezeleka UYesu uvuko

2025 Novemba 18, Lwesibini

Banoyolo abo batshutshiswayo ngokuba besenza ubulungisa, kuba balawulwa nguThixo bona!

UMATEWU 5:10 ubulungisa ubukumkani intshutshiso

2025 Novemba 17, Mvulo

Njengokuba ke sisazi ukuba uyaziphulaphula izicelo zethu, ngokunjalo ke siyazi ukuba izinto esizicelayo sesiziphiwe.

1 KAYOHANE 5:15 thembela umthandazo ukuphulaphula

2025 Novemba 16, Cawe

Makubulelwe ke kuThixo osinika uloyiso ngayo iNkosi yethu uYesu Krestu!

1 KWABASEKORINTE 15:57 UYesu umbulelo ukoyisa

2025 Novemba 15, Mgqibelo

NguNdikhoyo okhokelela umntu kwindlela amakahambe ngayo;
nguye omenza akholeke kuye.

INdumiso 37:23 ukukhonza ukuthobela thembela

2025 Novemba 14, Lwesihlanu

Ke ngoko, ukuba mna endiyiNkosi noMfundisi wenu, ndithe ndahlamba iinyawo zenu, nani ke nimelwe kukuhlambana iinyawo.

UYOHANE 13:14 ukuthobeka ukukhonza UYesu

2025 Novemba 13, Lwesine

Ewe, kholosani ngesisa seNkosi, nikhule nakuko ukwazana neNkosi noMsindisi wethu uYesu Krestu. Bobakhe ubungangamsha ngoku nangonaphakade! Amen.

2 KAPETROS 3:18 ubabalo unqulo ukuqonda

2025 Novemba 12, Lwesithathu

Kum uxabisekile ke kambe;
yeka elo wonga, andikuthandi ngako!
Ndincam' izizwe ngenxa yakho;
ndinikezel' iintlanga, ndizuze wena.

UISAYA 43:4 uthando usindiso ukhuthazo

2025 Novemba 11, Lwesibini

Ukuthanda imali yingcambu yazo zonke iintlobo zobubi. Abanye bathe ngokusukelana nayo bahola elukholweni, baza bayingxwelerha imiphefumlo yabo ngeenzingo.

1 KUTIMOTI 6:10 imali ububi ukubawa

2025 Novemba 10, Mvulo

Wathi kubo: “Kulumkeleni konke ukubawa, kuba ubomi bomntu abuxhomekekanga ebuninzini bezinto anazo.”

ULUKA 12:15 imali ukubawa ukuthanda izinto eziphathekayo

2025 Novemba 9, Cawe

Ndiswel' imilomo yokukubonga,
ndikudumise maxa onke.

INdumiso 71:8 ukuthetha unqulo dumisani

Ewe kambe, ndingade ndibe liciko lokuthetha iilwimi zabantu, ndide ndithethe nezezithunywa zezulu – kodwa ndingenalo uthando, intetho yam isuka ibe yingxolo nje, efana neyentsimbi ehlokomayo, necangci elikhenkcezayo.

1 KWABASEKORINTE 13:1 uthando ukuthetha iingelosi