Gcina (Agasti 2017)

2017 Agasti 31, Lwesine

UMoya weNkosi undongamele,
ngoko ke indithambisile;
indalathele ukushumayela iindaba ezimnandi kwabasweleyo.
Yandithuma ukuvakalisa inkululeko kubathinjwa,
nokubuyisela ukubona kwabaziimfama,
ndibandululè bekhululekile abacinezelweyo.

ULUKA 4:18 Umoya ukuvangela inkululeko

2017 Agasti 30, Lwesithathu

Nina makhosikazi, bathobeleni ngokuzinikela abayeni benu, kuba yimfanelo yenu yobuKrestu leyo.
Nina madoda, bathandeni abafazi benu, ningabi ngqwabalala.

KWABASEKOLOSE 3:18-19 ukuthobeka umtshato ubudlelwane

2017 Agasti 29, Lwesibini

Oyedwa uyagaganyelwa, kodwa ababini banako ukumelana nohlaselo. Intsontelo ephindwe kathathu iqhawuka nzima.

AMAVA ENGQONDI 4:12 ubudlelwane ubuhlobo amandla

2017 Agasti 28, Mvulo

Mhlonele uyihlo ndawonye nonyoko, khon' ukuze ube nokuzinza kwelo lizwe ndikunika lona mna Ndikhoyo Thixo wakho.

EYEMFUDUKO 20:12 uThixo intsikelelo usapho

2017 Agasti 27, Cawe

Kodwa ke kunjengoko zitshoyo iziBhalo ukuthi:
“Izinto ezingabonwanga liso, nezingaviwanga ndlebe,
nezingathanga qatha ntliziyweni yamntu,
zezi kanye uThixo wazilungiselela abo bamthandayo.”

1 KWABASEKORINTE 2:9 uthando ibuyiselo

2017 Agasti 26, Mgqibelo

Indlu nobutyebi lilifa looyise,
kodwa umfazi onengqondo uvela kuNdikhoyo.

IZAFOBE 19:14 imali ubudlelwane

2017 Agasti 25, Lwesihlanu

“Kaloku ingcinga zam azifani nezenu,
neendlela zenu azifani nezam,”
utsho yena uNdikhoyo!

UISAYA 55:8 uThixo ukucwangcisa ubulumko

2017 Agasti 24, Lwesine

Yilumkeleni indlela eniziphatha ngayo phambi kwabo bangakholwayo, nilisebenzise kakuhle ithuba eninalo. Incoko yenu mayisoloko imnandi, inika umdla. Fundani ukucebisana kakuhle nomntu ngamnye enidibana naye.

KWABASEKOLOSE 4:5-6 ubulali ubulumko ukuthetha

2017 Agasti 23, Lwesithathu

Ngamathuba obumnandi yonwaba;
ngemihla yobubi qonda kakuhle ukuba kwale njengaleya yenziwe nguThixo.
Ngoko ke akukho mntu uyaziyo into eza kwenzeka kamva.

AMAVA ENGQONDI 7:14 uvuyo ubomi ukuxhomekeka

2017 Agasti 22, Lwesibini

Ndaweni yaloo nto inyaniso masiyithethe siqhutywa luthando, khon' ukuze siye simfuza uYesu ngokupheleleyo. Kaloku nguye intloko.

KWABASE-EFESE 4:15 uthando inyaniso UYesu

2017 Agasti 21, Mvulo

Ningazikhohlisi! UThixo akanakwenziwa isidenge ngumntu. Umntu uya kuvuna kanye loo nto ayihlwayeleyo.

KUMAGALATI 6:7 uThixo ubulungisa ukuvuna

2017 Agasti 20, Cawe

Ngulowo uhambo ingenabala,
owenza ubulungisa,
ayithethe inyaniso engafihlisi.
Ngulowo unganyelisiyo,
ungamenziyo into embi uwabo,
ungamhlebiyo ummelwana wakhe.

INdumiso 15:2-3 inyaniso ngokungenatyala ukuhleba

2017 Agasti 19, Mgqibelo

Indlu nganye inomakhi wayo, kodwa ke nguThixo umseki wazo zonke izinto.

KUMAHEBHERE 3:4 indalo uThixo

2017 Agasti 18, Lwesihlanu

Kufuneka nizahlulele mna, nibe ngabam ndedwa, kuba kaloku ndim Ndikhoyo uThixo wenu, ndaye mna ndahlukile. Ndanahlula kwezi ntlanga, ukuze nina nibe ngabam ndedwa.

EYONQULO 20:26 ubungcwele ubomi

2017 Agasti 17, Lwesine

Mna ndiya kuxhamla inkululeko,
kuba ndihamba ngemimiselo yakho.

INdumiso 119:45 inkululeko umthetho ukufuna

2017 Agasti 16, Lwesithathu

Kaloku ndiqinisekile kukuba asikuko nakufa, nabomi, nazithunywa zezulu, nazilawuli, nanto zikhoyo, nanto zizayo, naziphathamandla, nanto ziphezulu, nanto zingaphantsi, nditsho nasiphi na isidalwa, esiya kuba nako ukusahlula nothando lukaThixo olukuye uKrestu Yesu, iNkosi yethu.

KWABASEROMA 8:38-39 uthando umlamli ukufa

2017 Agasti 15, Lwesibini

Njengokuba ke sisazi ukuba uyaziphulaphula izicelo zethu, ngokunjalo ke siyazi ukuba izinto esizicelayo sesiziphiwe.

1 KAYOHANE 5:15 thembela umthandazo ukuphulaphula

2017 Agasti 14, Mvulo

InguNdikhoyo nje ondikhanyiselayo,
inguye nje ondisindisayo, ndingoyika ntoni?
InguNdikhoyo nje inqaba yam, ndingoyika bani?

INdumiso 27:1 ukhuseleko uloyiko ukukhanya

2017 Agasti 13, Cawe

Ukuba ninolangazelelo, uThixo uyawamkela umnikelo wenu. Kaloku uThixo ufuna umntu aphe ngokobungakanani bezinto anazo, ingebubo obezinto angenazo.

2 KWABASEKORINTE 8:12 ukhuthazo ukupha isisa

2017 Agasti 12, Mgqibelo

Ziphatheni njengabantu abakhululekileyo. Kambe ke inkululeko leyo mayingabi lokhusi lokungcola; koko ziphatheni njengezicaka zikaThixo.

1 KAPETROS 2:16 ubomi inkululeko ububi

2017 Agasti 11, Lwesihlanu

Hayi bo, zigqibelele izinto azenzayo lo Thixo!
Hayi ukuthembeka kwelizwi lakhe!
Uyabakhusela bonke abo bathembela ngaye.

INdumiso 18:30 ngokungenatyala ILizwi likaThixo ukukhuselwa

2017 Agasti 10, Lwesine

Njengoko nimanywe noYesu Krestu izimvo zenu mazifane nezakhe.

KWABASEFILIPI 2:5 ubungcwele UYesu

2017 Agasti 9, Lwesithathu

Ngoku ke, nikhululwe nje esonweni, naba ngabakaThixo, ninaso isiqhamo esibubungcwele. Le nto ke ikhokelela ebomini obungunaphakade.

KWABASEROMA 6:22 inkululeko umhlawuleli isono

2017 Agasti 8, Lwesibini

Akwambathise ngamaphiko akhe, akufihle ekhusini lakhe,
kube likhaka nekhuselo lakho ukuthembeka kwakhe.

INdumiso 91:4 ukukhuselwa ukuthembeka ukhuseleko

2017 Agasti 7, Mvulo

Ke kaloku ndaziva izidalwa nayo yonke indalo, ezulwini nasemhlabeni, phantsi komhlaba naselwandle, zidanduluka zisithi:
“Kulowo uhleli esihlalweni sokulawula, nakulo iXhwane,
mayibekho indumiso nesithozela, ubungangamsha namandla,
ngonaphakade kanaphakade!”

ISITYHILELO 5:13 indalo unqulo umbulelo