Gcina (Februwari 2024)

2024 Februwari 29, Lwesine

Andifekethi ngesisa sikaThixo; kuba, ukuba umntu ebenokuba lilungisa phambi koThixo ngenxa yokugcina umthetho, loo nto ibiya kuthetha ukuba wafumana wafa uKrestu.

KUMAGALATI 2:21 ubabalo ubulungisa umthetho

2024 Februwari 28, Lwesithathu

Xa umntu one engaqondanga ngokwaphula nayiphi na imimiselo kaNdikhoyo, loo mntu unetyala, yaye uya kuluthwala olo xanduva.

EYONQULO 5:17 isono umthetho isohlwayo

2024 Februwari 27, Lwesibini

Ewe, uNdikhoyo uthi:
“Yizani, khe sithetha-thethane.
Noba sewudyobheke wankone sisono,
mna ndokuhlambulula utsho ube msulwa;
kanti nokuba sewuyinyhuku-nyhuku,
mna ndiya kukwenza ube mhlophe qhwa.”

UISAYA 1:18 isono uxolelo ukusulungekiswa

2024 Februwari 26, Mvulo

Akukho bani uthi, esilumekile isibane, asigqume ngesitya, okanye asifake ngaphantsi kwebhedi. Usixhoma endaweni yaso, ukuze abangenayo bakhanyiselwe.

ULUKA 8:16 ukunyaniseka ubungcwele ukukhanya

2024 Februwari 25, Cawe

Nize nikhumbule ukuba ohlwayela kancinane uvuna kancinane, ohlwayela kakhulu avune isivuno esikhulu.

2 KWABASEKORINTE 9:6 ukupha ukuvuna isisa

2024 Februwari 24, Mgqibelo

Ndenze isigqibo sokuba ndinyaniseke;
ndizimisele ukusithobela isigwebo sakho.

INdumiso 119:30 ukholo umthetho inyaniso

2024 Februwari 23, Lwesihlanu

Ngoko ke ayisendim ophilayo, nguKrestu ophilayo kum. Ubomi ke endibudlayo ngoku ndimanywe noNyana kaThixo, ndibudla ngokholo kulowo wandithandayo, wabuncama obakhe ubomi ngenxa yam.

KUMAGALATI 2:20 ukholo UMsindisi ubomi

2024 Februwari 22, Lwesine

Ngoko ke ukholo luvuswa ngokuvakaliswa kodaba; ke lona udaba luvakalisa uKrestu.

KWABASEROMA 10:17 ukholo ukuvangela ukuphulaphula

2024 Februwari 21, Lwesithathu

Umntu oyithobelayo ingqeqesho usekhondweni lobomi;
ke yena ongaphulaphuliyo ulahlekene nendlela.

IZAFOBE 10:17 ukuthobela ubomi ukuphulaphula

2024 Februwari 20, Lwesibini

Ke kaloku nakhululwa ngesisa sikaThixo ngokholo; anikhululwanga ngemizamo yenu. Ewe, kungenxa yesisa sikaThixo. Ngoko ke akukho nto ubani angaziqhayisa ngayo, kungekho migudu yakhe nje.

KWABASE-EFESE 2:8-9 ubabalo ukholo usindiso

2024 Februwari 19, Mvulo

Ngoko ke mhloneleni uNdikhoyo. Ze nigwebe ngenyameko, kuba yena uNdikhoyo uThixo wethu akayenzi into engekho mthethweni; akanagobe, yaye ke akanyobeki.

2 YEZIGANEKO 19:7 ukumoyika uthixo ubulungisa ukunyaniseka

2024 Februwari 18, Cawe

Into ebhetele kukuzimela ngoNdikhoyo,
kunokuba uthembele ngomntu.

INdumiso 118:8 thembela ukhuseleko ukukhuselwa

2024 Februwari 17, Mgqibelo

Kodwa ngoku, ngokumanywa noKrestu, nina kanye enanikade nikude lee, nisondeziwe ngokuphalala kwegazi likaKrestu.

KWABASE-EFESE 2:13 UYesu ukusondela igazi

2024 Februwari 16, Lwesihlanu

Waza uYesu wabakhangela wathi: “Abantu bona abanako ukuyenza le nto, kodwa yena uThixo unako ukuzenza zonke izinto.”

UMATEWU 19:26 imimangaliso usindiso ukuqonda

2024 Februwari 15, Lwesine

Njengokuphakama kwezulu emhlabeni
ziphakamile neendlela zam kunezenu,
kanti ke zikwanjalo neengcinga zam.

UISAYA 55:9 ukucwangcisa ukuqonda izulu

2024 Februwari 14, Lwesithathu

Olu thando ke alunakuze lone mntu. Ngoko ke ukuthanda kukuwuthobela ngokupheleleyo umthetho.

KWABASEROMA 13:10 umthetho uthando ummelwane

2024 Februwari 13, Lwesibini

Njengoko anyuselwe ewongeni kuThixo, wamkele uMoya oyiNgcwele, lowo wathenjiswayo nguYise. Le nto ke niyibonayo niyivayo ngoku kukugalelwa kwaloo Moya kuthi.

UMSEBENZI WABATHUNYWA 2:33 uMoya oyiNgcwele ipentekoste ukunyuka

2024 Februwari 12, Mvulo

Zininzi iingxaki ezivelela ilungisa,
kodwa uyalikhulula kuzo zonke uNdikhoyo.

INdumiso 34:19 ubulungisa ukubandezeleka umhlawuleli

2024 Februwari 11, Cawe

Kuba kaloku ilungelo lenu njengabamanywe noKrestu alipheleli ekukholweni kuye kuphela, koko lifikelela nasekubeni nive ubunzima ngenxa yakhe.

KWABASEFILIPI 1:29 ubabalo ukholo ukubandezeleka

2024 Februwari 10, Mgqibelo

Othe wabuzuza ubomi bakhe, wolahlekelwa bubo; nothe walahlekelwa bubomi bakhe ngenxa yam, wobuzuza.

UMATEWU 10:39 ubomi obungunaphakade ukubandezeleka ubomi

2024 Februwari 9, Lwesihlanu

Khawuvuke! Vuka, Jerusalem!
Khanya! Ukhanyiso lwakho luthwasile;
isihomo sikaNdikhoyo sikujikelezile.

UISAYA 60:1 ixabisekile uThixo ubuhle

2024 Februwari 8, Lwesine

Ngubani ke onokusahlukanisa nothando lukaKrestu? Yimbandezelo na? Yinkxwaleko na? Yintshushiso na? Yindlala na? Bubuzé na? Yingozi na? Likrele na?

KWABASEROMA 8:35 uthando ukubandezeleka intshutshiso

2024 Februwari 7, Lwesithathu

Ndim umdiliya; nina ningamasebe. Ohlala emanyene nam, ndibe mna ndihleli ndimanyene naye, uya kuvelisa iziqhamo ezininzi. Kaloku aninakwenza nento le nahlukene nam.

UYOHANE 15:5 ibuyiselo UYesu ukuxhomekeka

2024 Februwari 6, Lwesibini

Thembela kuNdikhoyo wena, wenze okulungileyo;
uya kuba sisima-mhlaba, ube nekamva.

INdumiso 37:3 thembela ukhuseleko ukulunga

2024 Februwari 5, Mvulo

INkosi uYesu Krestu mayibe sisikrweqe senu, ningasilungiseleli isimo senu esonakeleyo ukuze nanelise iinkanuko zaso.

KWABASEROMA 13:14 iminqweno ukuba likhoboka UYesu

2024 Februwari 4, Cawe

Ngokwenjenjalo ke uNdikhoyo uThixo wethu wasiyalela ukuba siyithobele le mimiselo simhlonele, size ke silungelwe bonke ubomi bethu, siphile njengokuba kunjalo namhlanje.

UHLAZIYO-MNQOPHISO 6:24 ukuthobela intsikelelo umthetho