Julayi 2025

Okuzalwa yinyama negazi kuyinyama negazi; okuzalwa nguMoya kunguMoya.

2025 Julayi 30, Lwesithathu

Khanibuxhamle ububele bukaNdikhoyo;
ngenene unoyolo umntu othembela ngoNdikhoyo!

Nayiphi na into eniyenzayo yenzeni ngomxhelo ngokungathi niyenzela iNkosi, aniyenzeli bantu. Ze nikhumbule ukuba iNkosi iya kunivuza ngelifa eligcinele abantu bayo. Kaloku uKrestu yeyona Nkosi nikhonza yona.

KWABASEKOLOSE 3:23-24 ibuyiselo ubomi ukwamkela

2025 Julayi 28, Mvulo

Hayi ke, yitya isonka sakho wonwabile, usele iwayini yakho uchwayitile entliziyweni, kuba ngoku lithuba elikholekileyo kuThixo lokuba wenze oko.

AMAVA ENGQONDI 9:7 uvuyo ukutya ubomi

2025 Julayi 27, Cawe

Hayi, akakh' onjengawe;
hayi bo, wahlukile wena, Ndikhoyo!
Akukh' ongxondorha injengoThixo wethu!

1 KASAMWELI 2:2 uThixo ubungcwele unqulo

2025 Julayi 26, Mgqibelo

Kuba indalo iphela ilangazelela ukuba uThixo ade abaveze oonyana bakhe.

KWABASEROMA 8:19 indalo UTata abantwana

2025 Julayi 25, Lwesihlanu

Kodwa ke kunjengoko zitshoyo iziBhalo ukuthi:
“Izinto ezingabonwanga liso, nezingaviwanga ndlebe,
nezingathanga qatha ntliziyweni yamntu,
zezi kanye uThixo wazilungiselela abo bamthandayo.”

1 KWABASEKORINTE 2:9 uthando ibuyiselo

2025 Julayi 24, Lwesine

Uyaweva amalungisa akuzibika kuye,
awakhulule kuzo zonke iinzima zawo.
UNdikhoyo ukufuphi nâbo badakumbileyo,
ebaphakamisa abo baphelelwe lithemba.

INdumiso 34:17-18 usindiso umhlawuleli ukusondela

2025 Julayi 23, Lwesithathu

Makadunyiswe uThixo uBawo wethu ngonaphakade kanaphakade! Amen.

KWABASEFILIPI 4:20 ukuthobeka unqulo UTata

2025 Julayi 22, Lwesibini

Uthando malungabi naluhanahaniso. Yithiyeni inkohlakalo; bambelelani kokulungileyo.

KWABASEROMA 12:9 uthando ububi ukulunga

2025 Julayi 21, Mvulo

Banoyolo abo bantliziyo ihlambulukileyo, kuba baya kumbona uThixo bona!

UMATEWU 5:8 ukunyaniseka intsikelelo intliziyo

2025 Julayi 20, Cawe

Ze ningabi ndize kuchitha umthetho kaMosis nomyalelo wabashumayeli bamandulo. Andizanga kuchitha; ndize kuzalisekisa.

UMATEWU 5:17 umthetho UYesu isiprofeto

2025 Julayi 19, Mgqibelo

Iziyalo nezicwangciso ngokunjalo nemimiselo eniyinikwe nguNdikhoyo uThixo wenu ze niyithobele ngenyameko.

UHLAZIYO-MNQOPHISO 6:17 umthetho ukuthobela

2025 Julayi 18, Lwesihlanu

UNdikhoyo ngumvuli wamehlo eemfama,
umphakamisi wâbo bawileyo.
UNdikhoyo ngumathand' amalungisa.

INdumiso 146:8 ukugula ukuphilisa ubulungisa

2025 Julayi 17, Lwesine

Kodwa yena ongenalo uthando akamazi uThixo, kuba uThixo uluthando.

1 KAYOHANE 4:8 uthando uThixo

2025 Julayi 16, Lwesithathu

Wonke umsebenzi wenzeni ngothando.

1 KWABASEKORINTE 16:14 uthando umsebenzi

2025 Julayi 15, Lwesibini

Musa ukujika-jika uye ngasekunene nangasekhohlo;
unyawo lwakho malubucezele ububi.

IZAFOBE 4:27 ububi ubulungisa ukulandela

2025 Julayi 14, Mvulo

Musani ukuzilinganisa nizifanise nabantu abangakholwayo, kuba àyenziwa loo nto. Ingádibana njani into elungileyo nengalunganga? Kungahlala njani ukukhanya ndawonye nobumnyama?

2 KWABASEKORINTE 6:14 umthetho ubulungisa ubudlelwane

2025 Julayi 13, Cawe

Musani ukugweba, ze nani ningagwetywa nguThixo.

UMATEWU 7:1 umthetho umgwebo

2025 Julayi 12, Mgqibelo

Zola phambi koNdikhoyo, ulindele kuye,
ungazidubi ngabantu abaphumelela ngamaqhinga.

INdumiso 37:7 ukunyaniseka ubomi umonde

2025 Julayi 11, Lwesihlanu

Kaloku akukho nanye into enokumnqabela uThixo.

ULUKA 1:37 imimangaliso ukoyisa usomandla

2025 Julayi 10, Lwesine

Masithini na ke ngezi zinto? Ukuba uThixo ungakuthi ngubani onokusichasa?

KWABASEROMA 8:31 uThixo ukhuthazo ukukhuselwa

2025 Julayi 9, Lwesithathu

Isiseko sobulumko kukuthobela uNdikhoyo;
umntu omaziyo oyiNgcwele kanye uzuza ingqiqo.

IZAFOBE 9:10 ukumoyika uthixo ubulumko ubungcwele

2025 Julayi 8, Lwesibini

UThixo wayewayeke ngabom loo maxesha apho abantu babengazi. Kungokunje uyalela abantu bonke, ezindaweni zonke, ukuba baguquke ezindleleni zabo ezimbi.

UMSEBENZI WABATHUNYWA 17:30 inguquko uguqulo uxolelo

2025 Julayi 7, Mvulo

“Sivumelekile ukwenza nayiphi na into,” kukho abatshoyo. Ewe kunjalo kambe, kodwa azilunganga zonke izinto. Ewe: “Sivumelekile ukwenza nayiphi na into,” kodwa izinto azakhi zonke.

1 KWABASEKORINTE 10:23 umthetho ukulunga ubulungisa

2025 Julayi 6, Cawe

Ewe, nguwe inqaba yam nekhusi lam;
ndikhokele, undithundeze, lidunyiswe igama lakho.

INdumiso 31:3 uThixo unqulo ubomi

2025 Julayi 5, Mgqibelo

Waphendula uYesu, wathi: “Ndithi kuwe, inene, ukuba umntu akathanga azalwe ngamanzi nanguMoya kaThixo, akanakulawulwa nguThixo.”

UYOHANE 3:5 ukuzalwa ngokutsha ubukumkani ubhaptizo

2025 Julayi 4, Lwesihlanu

Kaloku uNyana woLuntu selesiza, esebuqaqawulini boYise, enezithunywa zakhe. Akufika uya kubabuyekeza bonke ngabanye ngokwezenzo zabo.

UMATEWU 16:27 ukuza kwesibini iingelosi UYesu

2025 Julayi 3, Lwesine

Yaz'ba ngubani na umphembi wale ntlekele?
Ngubani owasimiselayo esi sishiqi?
Mna Ndikhoyo, yaba ndim kwasekuqaleni;
ewe, yoba isendim nasekugqibeleni.

UISAYA 41:4 uThixo amandla