Gcina (Okthoba 2016)

2016 Okthoba 31, Mvulo

Ke ngoko, ukuba mna endiyiNkosi noMfundisi wenu, ndithe ndahlamba iinyawo zenu, nani ke nimelwe kukuhlambana iinyawo.

UYOHANE 13:14 ukuthobeka ukukhonza UYesu

2016 Okthoba 30, Cawe

Umntu onomonde uba nengqiqo;
kambe ke yena ocaphuka msinya usuka enze ubudenge.

2016 Okthoba 29, Mgqibelo

Othe wakholwa kuNyana, unobomi obungonaphakade. Othe akamthobela uNyana, akayi kubona bomi; ingqumbo kaThixo ihlala ihleli phezu kwakhe.

UYOHANE 3:36 ubomi obungunaphakade ukholo ukuthobela

2016 Okthoba 28, Lwesihlanu

Nabani na ozigqatsayo kukhuphiswano uba phantsi kwengqeqesho engqongqo. Le nto uyayinyamezela khon' ukuze afumane isithsaba esibunayo. Kodwa thina siyenza siza kuzuza isithsaba esingagugiyo.

1 KWABASEKORINTE 9:25 ukuzibamba ibuyiselo ubomi obungunaphakade

2016 Okthoba 27, Lwesine

Wena uyinqaba endizifihla kuyo;
uyandikhusela xa ndisebunzimeni.
Undirhangqe ngosindiso lwakho;
ngoko ke ndimemelela ndinemincili.

INdumiso 32:7 uvuyo ukhuseleko ukukhuselwa

Hayi ithamsanqa lomntu othembela ngoNdikhoyo,
lowo ukholosa ngaye!
Unjengomthi otyalwe ngasemfuleni,
ongcambu zinabela emanzini.
Awoyiki naxa ilanga lishushu;
amagqabi awo ahlala eluhlaza.
Ngexesha lembalela awunaxhala;
uhlala uvelisa iziqhamo.

UJEREMIYA 17:7-8 thembela intsikelelo ukuba nesiqhamo

2016 Okthoba 25, Lwesibini

Akukho mntu unokukhonza iinkosi ezimbini, kuba uya kuyithiya le, ayithande leya, okanye abambelele kule, ayidele leya. Aninako ukukhonza uThixo kwanobutyebi.

UMATEWU 6:24 ukukhonza imali ityala

2016 Okthoba 24, Mvulo

Andithi kaloku uyamanelisa onxaniweyo,
aze amhluthise ngokulunga olambileyo!

INdumiso 107:9 ukuthembeka ukutya

2016 Okthoba 23, Cawe

Kaloku zange size nanto ehlabathini; ngoko ke siya kumka singaphathanga nto. Kambe ke, ukuba sinako ukutya nempahla yokunxiba masaneliswe.

1 KUTIMOTI 6:7-8 ukutya ukuthanda izinto eziphathekayo ukwaneliseka

2016 Okthoba 22, Mgqibelo

Kaloku zonke izinto zeli hlabathi – iinkanuko zesimo esonakeleyo, ukubawa, namagugu obu bomi – aziveli kuThixo, koko zizinto zeli hlabathi.

1 KAYOHANE 2:16 iminqweno ukuba likhoboka ikratshi

2016 Okthoba 21, Lwesihlanu

Ukumthobela uNdikhoyo kukubuthiya ububi.
Yiloo nto ndikuchasileyo ukuzigwagwisa,
ikratshi, ukungabi nasimilo, kunye nentetho egwenxa.

IZAFOBE 8:13 ukumoyika uthixo ikratshi ububi

2016 Okthoba 20, Lwesine

Ungasiyekeli ekulingweni,
koko sihlangule kumtyholi;
kuba ngenene nguwe olawulayo,
namandla ngawakho, nodumo, kude kube ngunaphakade! Amen.

UMATEWU 6:13 isilingo iminqweno ububi

2016 Okthoba 19, Lwesithathu

Ewe, umthàmbo owenzelwa ukolula amalungu omzimba unendawo yawo. Kodwa ke uphelele apho. Kanti kona ukukhonza uThixo kunenzuzo egqithileyo, kuba akuthembisi bomi balapha kuphela, kuthembisa nobelizayo.

1 KUTIMOTI 4:8 impilo ukuthobela ubomi

2016 Okthoba 18, Lwesibini

Ungaze wahlukane nentembeko nokunyaniseka.
Maxa onke ezi zinto mazibe sisivatho entanyeni yakho.
Ewe, zikrole elucwecweni lwentliziyo yakho.
Ukuba uyayenza ke loo nto uya kuhlala wamkelekile,
ube negama elihle kuThixo nasebantwini.

IZAFOBE 3:3-4 uthando ibuyiselo intliziyo

2016 Okthoba 17, Mvulo

Udumo lukaBawo luyatshatshela xa nivelisa iziqhamo ezininzi, nisenjenjalo kuba ningabafundi bam.

UYOHANE 15:8 UTata ukulandela ukuvangela

2016 Okthoba 16, Cawe

Ke uNehemiya wathi kubo: “Hambani niyokutya izimuncu-muncu, ukutya okumnandi neziselo, nide niphe nâbo bangenakutya. Le yimini ekhethekileyo yeNkosi yethu. Ngayo musani ukuba lusizi; kaloku uNdikhoyo uza kunomeleza ngovuyo lwakhe.”

UNEHEMIYA 8:10 ukutya ukupha uvuyo

2016 Okthoba 15, Mgqibelo

Khawundisekele ngokwesithembiso sakho,
ungandiyekeli ndonganyelwe bububi.

INdumiso 119:133 isono ukulandela ububi

2016 Okthoba 14, Lwesihlanu

Ngokukwanjalo noMoya uyasixhasa ekusweleni kwethu amandla, kuba kaloku asiyazi eyona ndlela singathandaza ngayo. Kodwa ke kweso singqala sethu sikhohliwe uMoya ngokwakhe uyasithethelela.

KWABASEROMA 8:26 ukuthetha Umoya umthandazo

2016 Okthoba 13, Lwesine

Kaloku wonke umntwana kaThixo uyaloyisa eli hlabathi. Ke kaloku ihlabathi siloyisa ngokukholosa ngoThixo.

1 KAYOHANE 5:4 ukholo uThixo ukoyisa

2016 Okthoba 12, Lwesithathu

Isiseko sobulumko kukuthobela uNdikhoyo;
umntu omaziyo oyiNgcwele kanye uzuza ingqiqo.

IZAFOBE 9:10 ukumoyika uthixo ubulumko ubungcwele

2016 Okthoba 11, Lwesibini

Kaloku xa nibaxolela abantu izigqitho zabo, uYihlo osezulwini wonixolela nani.

UMATEWU 6:14 isono ubabalo uxolelo

2016 Okthoba 10, Mvulo

Ndiyabuya; andiyi kunishiya niziinkedama.

UYOHANE 14:18 umthuthuzeli UYesu Umoya

2016 Okthoba 9, Cawe

Lufuneni kuNdikhoyo uncedo;
mfuneni aph' akhoyo ngawo onke amaxesha.

INdumiso 105:4 uThixo ukufuna ukusondela

2016 Okthoba 8, Mgqibelo

Iingqondo zenu zimiliseleni kwizinto zaphezulu, kungabi kwizinto zalo mhlaba.

KWABASEKOLOSE 3:2 izulu ingqondo umhlaba

2016 Okthoba 7, Lwesihlanu

Usixolele amatyala ethu,
njengokuba nathi sibaxolela abasonayo.

UMATEWU 6:12 ityala uxolelo umthandazo

2016 Okthoba 6, Lwesine

UNdikhoyo unenceba nesisa;
uqumba kade, yimvuze-mvuze enobubele.

INdumiso 103:8 ubabalo uthando umonde

2016 Okthoba 5, Lwesithathu

Andiyishiyanga imiyalelo yemilebe yomlomo wakhe;
andenzanga ngokufuna kwam, koko ndiwathobele amazwi akhe.

UYOBI 23:12 umthetho ukuthetha ukuthobela

2016 Okthoba 4, Lwesibini

Yahlukanani nemikhwa emibi nehambo engcolileyo. Mlulameleni uThixo, namkele ilizwi lakhe alifake kuni ezintliziyweni. Lilo elinamandla okunisindisa.

EKAYAKOBI 1:21 usindiso ILizwi likaThixo ububi

2016 Okthoba 3, Mvulo

Ngokunjalo nathi sonke, nokuba singamaJuda okanye amaGrike, nokuba singamakhoboka okanye singabakhululekileyo, sabhaptizelwa mzimbeni mnye, nguMoya omnye; futhi sasezwa kwaloo Moya mnye.

1 KWABASEKORINTE 12:13 ubhaptizo Umoya uluntu

2016 Okthoba 2, Cawe

Ndizimela ngaye, nguye ondisindisayo.
Yinqaba yam, soze ndichukunyiswe.

INdumiso 62:2 usindiso ukukhuselwa ukuthembeka

2016 Okthoba 1, Mgqibelo

Lowo uyamkelayo imiyalelo yam ayigcine, nguye ondithandayo. Lowo ke undithandayo mna, uya kuthandwa nguBawo. Nam ndiya kumthanda, ndizibonakalise kuye.

UYOHANE 14:21 umthetho uthando UTata