Gcina (Okthoba 2023)

2023 Okthoba 31, Lwesibini

Wena, Ndikhoyo, uhleli ngonaphakade;
ulawulo lwakho luhlala luhleli izizukulwana ngezizukulwana.

IZILILO 5:19 ukuthembeka uThixo ubukumkani

2023 Okthoba 30, Mvulo

Ukuxelelwe, mntundini, oko kulungileyo –
nditsho oko uNdikhoyo akufunayo kuwe:
kukwenza ngobulungisa, uthande ububele,
uhambe ngokuthobileyo kunye noThixo wakho.

UMIKA 6:8 umthetho ubulungisa ukuthobeka

2023 Okthoba 29, Cawe

Hayi ke bethu ubukhulu bobuhandiba bukaThixo, nobunzulu bobulumko nokwazi kwakhe! Asikuko nokuba aziphengululeki izigqibo zakhe, azilandeki iindlela zakhe!

KWABASEROMA 11:33 uThixo ubulumko ukuqonda

2023 Okthoba 28, Mgqibelo

Ukuba niyathandana, bonke baya kuqonda okokuba ningabafundi bam.

UYOHANE 13:35 uthando ukuvangela ukulandela

2023 Okthoba 27, Lwesihlanu

Mandikubonge ngomxhelo wam wonke, Ndikhoyo,
ndibalise ngayo yonke imimangaliso oyenzileyo.

INdumiso 9:1 unqulo umbulelo imimangaliso

2023 Okthoba 26, Lwesine

Vuyani maxa onke, nithandaze njalo-njalo. Nakuyiphi na imeko bulelani. UThixo uthanda ukuba nenjenjalo njengokuba nimanywe noKrestu Yesu nje.

1 KWABASETESALONIKA 5:16-18 uvuyo umbulelo umthandazo

2023 Okthoba 25, Lwesithathu

Uthe ke akusulungeka wenziwa umthombo wosindiso olungapheliyo lwabo bamthobelayo.

KUMAHEBHERE 5:9 usindiso UMsindisi ubomi obungunaphakade

2023 Okthoba 24, Lwesibini

Umfazi onomtsalane angakukhohlisa, ke bona ubuhle buyatshitsha;
kuphela ngumfazi ohlonela uNdikhoyo oya kubongwa.

IZAFOBE 31:30 ukumoyika uthixo ubuhle

2023 Okthoba 23, Mvulo

Ngoko ke ngoku nasi isishwankathelo salo mbandela: Mhlonele uThixo, uyithobele imimiselo yakhe, kuba oko luxanduva lomntu ngamnye.

AMAVA ENGQONDI 12:13 ukumoyika uthixo umthetho ubomi

2023 Okthoba 22, Cawe

Ke lowo ungowenyaniso uyeza ekukhanyeni, ukuze abonakale ngezenzo zakhe ukuba umthobele uThixo.

UYOHANE 3:21 ukukhanya inyaniso ukuthobela

2023 Okthoba 21, Mgqibelo

Kambe ke, wena Ndikhoyo, ulikhaka lam.
Usisidima sam; undenza ndibe neqhayiya.

INdumiso 3:3 ukuxhomekeka ukoyisa ukukhuselwa

2023 Okthoba 20, Lwesihlanu

Ukuba ihlabathi lithe lanithiya, ze nikhumbule okokuba lathiya mna kuqala.

UYOHANE 15:18 intshutshiso UYesu umhlaba

2023 Okthoba 19, Lwesine

Kaloku komnceda ntoni na umntu, ukuba uthe walizuza ihlabathi liphela, kodwa walahlekelwa bubomi bakhe? Okanye umntu angakhupha ntoni na exabisekileyo ukuze angàlahlekelwa bubomi bakhe?

UMATEWU 16:26 ukuthanda izinto eziphathekayo ubomi umphefumlo

2023 Okthoba 18, Lwesithathu

Ingqina elinyanisekileyo alibuthethi ubuxoki,
kodwa ke lona elixokayo liphuphuma lulwimi.

IZAFOBE 14:5 ukuxoka inyaniso ukuthembeka

2023 Okthoba 17, Lwesibini

Nalowo uthe akawuthwala umnqamlezo wakhe andilandele, akandifanelanga.

UMATEWU 10:38 ukubandezeleka UYesu ukulandela

2023 Okthoba 16, Mvulo

Musani ukulithanda ihlabathi, nezinto zalo ngokunjalo. Nabani na olithandayo eli hlabathi akazani nothando lukaThixo.

1 KAYOHANE 2:15 isono uthando UTata

2023 Okthoba 15, Cawe

Nenkqu yothando ivela kuMhlekazi.
Kaloku wena, Nkosi, uyazelelela,
umntu umvuza ngokwemisebenzi yakhe.

INdumiso 62:12 uthando ibuyiselo

2023 Okthoba 14, Mgqibelo

Ngoko ke zinikeleni ngokupheleleyo kuThixo. Mchaseni uSathana azokunibaleka.

EKAYAKOBI 4:7 ukuthobela ukhuseleko ukuba likhoboka

2023 Okthoba 13, Lwesihlanu

Ngenani edyokhweni yam, nifunde kum, kuba mna ndilulamile, ndingontliziyo ithobekileyo. Nothi ke nizifumanele ukuphumla iintliziyo zenu, kuba idyokhwe yam ayityabuli, nomthwalo wam ulula.

UMATEWU 11:29-30 ukuthobeka phumla ukufunda

2023 Okthoba 12, Lwesine

“Ikhona na indawo efihlakeleyo apho umntu angazimela khona ukuze ndingamboni?”
Lowo ngumlomo kaNdikhoyo.
“Asindim na lowo ukho ngokupheleleyo ezulwini nasemhlabeni?”
Lowo ngumlomo kaNdikhoyo.

UJEREMIYA 23:24 uThixo izulu

2023 Okthoba 11, Lwesithathu

Makungabikho bani ufuna ukulungelwa yedwa; elowo makakhathalele nokwabanye.

1 KWABASEKORINTE 10:24 ukuzingca uthando ummelwane

2023 Okthoba 10, Lwesibini

Ukukholwa ke kukuqiniseka ngezinto esinethemba lazo; kukwakukuqiniseka nangobukho bezinto esingaziboniyo.

KUMAHEBHERE 11:1 ukholo inyaniso ithemba

2023 Okthoba 9, Mvulo

Yena wondibamba lungatyibiliki unyawo lwam;
kaloku akozeli, walusa mna.

INdumiso 121:3 thembela ukuthembeka ukuxhomekeka

2023 Okthoba 8, Cawe

Kaloku umthetho ufikelele esiphelweni ngoKrestu, khon' ukuze wonke umntu abe lilungisa kuba ekholwa.

KWABASEROMA 10:4 ukholo umthetho ubulungisa

2023 Okthoba 7, Mgqibelo

Izono zethu wazithathela kuye siqu, waxhonywa nazo emnqamlezweni, khon' ukuze thina siyeke ukuphilela ukona, koko siphilele ukulungisa. Ninyangwe ngamanxeba akhe.

1 KAPETROS 2:24 isono ubulungisa ukuphilisa

2023 Okthoba 6, Lwesihlanu

Xa isohlwayo setyala singàphunyezwa msinya abantu baqhubela phambili ukwenza ububi.

AMAVA ENGQONDI 8:11 isono intliziyo isohlwayo

2023 Okthoba 5, Lwesine

Ngokukwanjalo noMoya uyasixhasa ekusweleni kwethu amandla, kuba kaloku asiyazi eyona ndlela singathandaza ngayo. Kodwa ke kweso singqala sethu sikhohliwe uMoya ngokwakhe uyasithethelela.

KWABASEROMA 8:26 ukuthetha Umoya umthandazo

2023 Okthoba 4, Lwesithathu

Ewe, ezi mbandezelo zexeshana, zincinane zinjalo, zisilungiselela iwonga laphakade, elingenakulinganiswa nazo.

2 KWABASEKORINTE 4:17 ubomi obungunaphakade ukubandezeleka ukhuthazo

2023 Okthoba 3, Lwesibini

Umntu osifihlayo isono sakhe akabi nampumelelo;
kambe ke yena osivumayo, ahlukane naso, wenzelwa inceba.

IZAFOBE 28:13 isono ukuvuma izono inceba

2023 Okthoba 2, Mvulo

Ngoko ke zilumkeleni, hleze niphulukane nayo into ebeniyisebenzela. Zabalazani, khon' ukuze nilifumane linjengoko linjalo ibhaso lenu.

2 KAYOHANE 1:8 ibuyiselo ukuzibamba umsebenzi

2023 Okthoba 1, Cawe

Alukho uloyiko apho kukho uthando, kuba uthando oluyondeleleneyo luyakugxotha ukoyika. Kaloku emntwini owoyikayo uthando alukayondelelani, kuba ukoyika kuhambisana nesohlwayo.

1 KAYOHANE 4:18 uthando uloyiko isohlwayo