Gcina (Novemba 2016)

2016 Novemba 30, Lwesithathu

Ewe, ezi mbandezelo zexeshana, zincinane zinjalo, zisilungiselela iwonga laphakade, elingenakulinganiswa nazo.

2 KWABASEKORINTE 4:17 ubomi obungunaphakade ukubandezeleka ukhuthazo

2016 Novemba 29, Lwesibini

Obugubungelayo ubugwenxa uzicengezelela ukuthandwa,
kodwa lowo umana ewunokoza umcimbi uchitha ubuhlobo.

2016 Novemba 28, Mvulo

Ngoku ke, ukuba niyandithobela, nenze ngokomnqophiso wam, niya kuba ngabantu bam ncakasana. Kaloku lelam ihlabathi liphela.

EYEMFUDUKO 19:5 ukuthobela umnqophiso ixabisekile

2016 Novemba 27, Cawe

Ukuba niyazithoba kuye uThixo, uya kuniphakamisa.

EKAYAKOBI 4:10 uThixo ukuthobeka ibuyiselo

2016 Novemba 26, Mgqibelo

Ndithe ke ndakusivuma kuwe isono sam,
ndabuxela ubugwenxa bam, ndisithi:
“Ndisixela kuwe, Ndikhoyo, isono sam;”
wandixolela wena ityala lam.

INdumiso 32:5 ukuvuma izono isono uxolelo

Anazi na ukuba abakhohlakeleyo abayi kubuxhamla ubuncwane bokulawulwa nguThixo? Musani ukulahlekiswa: abarheletyi, nabakhonza izithixo, nabakrexezayo, nabafebayo, nabangamadoda alalanayo, nabangamasela, nababawayo, nabangamanxila, nabathukayo, nabazizikrelemnqa, abanakubuxhamla ubuncwane bokulawulwa nguThixo.

1 KWABASEKORINTE 6:9-10 isono usindiso ubukumkani

2016 Novemba 24, Lwesine

Sanukuba naxhala; kodwa iintswelo zenu ziseni kuThixo ngomthandazo, nimbongoze ninombulelo. Ke lona uxolo lukaThixo olungaphaya kokuqonda luya kuzalusa iintliziyo neengcinga zenu ningahlukani noKrestu.

KWABASEFILIPI 4:6-7 umbulelo umthandazo ukukhathazeka

2016 Novemba 23, Lwesithathu

Umntu onengqondo uyayiphulaphula imiyalelo;
kambe ke sona isityhakala esilavuzayo siya kubhanga.

IZAFOBE 10:8 umthetho ubulumko intliziyo

2016 Novemba 22, Lwesibini

Vuyani maxa onke, nithandaze njalo-njalo. Nakuyiphi na imeko bulelani. UThixo uthanda ukuba nenjenjalo njengokuba nimanywe noKrestu Yesu nje.

1 KWABASETESALONIKA 5:16-18 uvuyo umbulelo umthandazo

2016 Novemba 21, Mvulo

Kambe ke mna ndijonge kuNdikhoyo;
ewe, ndikholosa ngoThixo olusindiso lwam.
UThixo wam yena uya kundiva.

UMIKA 7:7 ithemba usindiso ukuphulaphula

2016 Novemba 20, Cawe

Ndikhokelele enyanisweni yakho, undifundise.
Kaloku nguwe, Thixo, umkhululi wam;
ndihleli ndikulindele imini yonke.

INdumiso 25:5 inyaniso ukufunda ithemba

2016 Novemba 19, Mgqibelo

UNdikhoyo onamandla onke uthi: “Ukuba aniphulaphuli nizimisele ngeentliziyo zenu ukulihlonela igama lam, ndiya kunithumela ishwangusha, nentsikelelo yenu ndiyenze ibe lishwangusha. Ngenene sendiqalile ukunishwabulela ngenxa yokuba ningazimiselanga ukundihlonela ngeentliziyo zenu.”

UMALAKI 2:2 ukuthobela intsikelelo ukuphulaphula

2016 Novemba 18, Lwesihlanu

Zinikele eNkosini uYesu; uya kusindiswa wena nosapho lwakho.

UMSEBENZI WABATHUNYWA 16:31 ukholo usindiso usapho

2016 Novemba 17, Lwesine

Ndikholosa ngawe usemazulwini;
ungowam nje ke, andilinanze nganto ihlabathi.

INdumiso 73:25 thembela uThixo izulu

2016 Novemba 16, Lwesithathu

Ngenani edyokhweni yam, nifunde kum, kuba mna ndilulamile, ndingontliziyo ithobekileyo. Nothi ke nizifumanele ukuphumla iintliziyo zenu, kuba idyokhwe yam ayityabuli, nomthwalo wam ulula.

UMATEWU 11:29-30 ukuthobeka phumla ukufunda

2016 Novemba 15, Lwesibini

Umoya wam uthi: “Isabelo sam nguNdikhoyo;
ngako oko ndiya kukholosa ngaye.”

IZILILO 3:24 ithemba ukuthanda izinto eziphathekayo ukuvuma

2016 Novemba 14, Mvulo

Amazwi axolelanisayo angumthi wobomi;
ke wona awenkohlakalo ayawaphula umoya.

IZAFOBE 15:4 ukuthetha Umoya ukuxoka

2016 Novemba 13, Cawe

Uthembekile uThixo, yena wanibizayo ukuba nibe nobudlelane noNyana wakhe uYesu Krestu iNkosi yethu.

1 KWABASEKORINTE 1:9 UYesu ubizo ukuthembeka

2016 Novemba 12, Mgqibelo

Ke kuni, nina balihlonelayo igama lam, ilanga lobulungisa liya kuphuma linempilo emaphikweni alo. Niya kukhululeka nidlobe njengamankonyana ephuma esibayeni.

UMALAKI 4:2 uvuyo ubulungisa ukuphilisa

2016 Novemba 11, Lwesihlanu

Mfo wam, musa ukuyidela ingqeqesho kaNdikhoyo,
ungasicekisi isiluleko sakhe.
Kaloku uNdikhoyo uyamluleka umntu amthandayo,
kwanjengokuba uyise emohlwaya unyana anebhongo ngaye.

IZAFOBE 3:11-12 uthando UTata ukufunda

2016 Novemba 10, Lwesine

Ngoko ke yigqaleni indlela eniziphatha ngayo. Yibani ngabantu abanengqondo; musani ukuba ziziyatha. Eli thuba ninalo lisebenziseni kakuhle, kuba akho amaxesha amabi.

KWABASE-EFESE 5:15-16 ubulumko ubomi ingqondo

2016 Novemba 9, Lwesithathu

Kuvumeni nikwamkele ukuba uNdikhoyo unguThixo wamazulu nehlabathi. Akukho Thixo wumbi ngaphandle kwakhe.

UHLAZIYO-MNQOPHISO 4:39 uThixo izulu umhlaba

2016 Novemba 8, Lwesibini

Rhuma ngobuncwane bengeniso yakho, uzimase uNdikhoyo;
ewe, menzele umnikelo ngolibo lwemveliso yakho.

IZAFOBE 3:9 imali umbingelelo ukupha

2016 Novemba 7, Mvulo

Masitsho singenadyudyu ke sithi:
“YiNkosi umncedi wam, andiyi koyika nto!
Angandenza ntoni umntu?”

KUMAHEBHERE 13:6 thembela uloyiko ukukhuselwa

2016 Novemba 6, Cawe

Ubani unokuthi: “Zonke izinto zivumelekile kum.” Ewe, kunjalo, kodwa azikulungelanga zonke. Nam bendinokuthi: “Zonke izinto zivumelekile kum;” kodwa ngekhe ndinikezele ukuze ndilawulwe nayiyiphi na into.

1 KWABASEKORINTE 6:12 ukuba likhoboka iminqweno ubomi

2016 Novemba 5, Mgqibelo

Zininzi iingxaki ezivelela ilungisa,
kodwa uyalikhulula kuzo zonke uNdikhoyo.

INdumiso 34:19 ubulungisa ukubandezeleka umhlawuleli

2016 Novemba 4, Lwesihlanu

Wathi uThixo makubekho ukukhanya. Kwabakho ukukhanya.

EYEZIQALO 1:3 indalo ukuthetha ukukhanya

2016 Novemba 3, Lwesine

Ukukholwa ke kukuqiniseka ngezinto esinethemba lazo; kukwakukuqiniseka nangobukho bezinto esingaziboniyo.

KUMAHEBHERE 11:1 ukholo inyaniso ithemba

2016 Novemba 2, Lwesithathu

Musa ukuyilangazelela inzuzo yomntu okhohlakeleyo;
ndaweni yaloo nto zicezele iindlela zakhe.
Kaloku ulisikizi kuNdikhoyo umntu olitshijolo;
kodwa abathe tye bangamathenjwa akhe.

IZAFOBE 3:31-32 thembela ubulungisa ukucwangcisa