Gcina (Agasti 2023)

2023 Agasti 31, Lwesine

Lowo uhleli ekhuselwe nguPhezukonke,
uhlala esemthunzini kaSomandla.
Yena uya kuthi: “Ndikhoyo, ungumkhuseli wam;
uyinqaba yam, wena Thixo, ndiya kuthembela kuwe.”

INdumiso 91:1-2 thembela ukhuseleko phumla

2023 Agasti 30, Lwesithathu

Ndiniwisela umthetho omtsha, ndithi: Thandanani! Njengoko ndinithandileyo mna, nani thandanani kanye ngolo hlobo.

UYOHANE 13:34 umthetho uthando ummelwane

Kaloku ezo zinto zinxamnye nezifunwa nguMoya, ukanti nezifunwa nguMoya zinxamnye nezinqwenelwa sisimo esidala. Zizombini zichasene ngohlobo lokuba ningabi nako ukuzenza izinto enisukuba nifuna ukuzenza.

KUMAGALATI 5:17 ukuthobela Umoya

2023 Agasti 28, Mvulo

Umntu oyinonophelayo imfundiso uyaphumelela;
ewe, yimihlali yodwa kokholosa ngoNdikhoyo.

IZAFOBE 16:20 thembela intsikelelo ukuphulaphula

2023 Agasti 27, Cawe

Asinini enanyula mna, ndim owaninyulayo nina. Ndanimisela okokuba niqhubele phambili, nivelise iziqhamo ezihlala zikho. Ke ngoko uBawo uya kuninika konke enithi nikucele egameni lam.

UYOHANE 15:16 ukuthobela umthandazo ubizo

2023 Agasti 26, Mgqibelo

Nxibani sonke isikrweqe eninokusifumana kuThixo, ukuze nibe nako ukumelana nabo bonke ubuqhokolo bukaSathana.

KWABASE-EFESE 6:11 izixhobo ububi ukukhuselwa

2023 Agasti 25, Lwesihlanu

Nina bamthandayo uNdikhoyo, buthiyeni ububi;
kaloku yena uyabagcina abantu bakhe,
abahlangule esandleni sabantw' abakhohlakeleyo.

INdumiso 97:10 ukuthembeka umhlawuleli ububi

2023 Agasti 24, Lwesine

Lo Yesu ngulowo zithi iziBhalo xa zithetha ngaye:
“ ‘Ilitye enalidelayo nina bakhi
laba lelona litye lesiseko.’”

UMSEBENZI WABATHUNYWA 4:11 UYesu

2023 Agasti 23, Lwesithathu

Kaloku wonke umntwana kaThixo uyaloyisa eli hlabathi. Ke kaloku ihlabathi siloyisa ngokukholosa ngoThixo.

1 KAYOHANE 5:4 ukholo uThixo ukoyisa

2023 Agasti 22, Lwesibini

Thina singabancedisanayo emsebenzini kaThixo; intsimi kaThixo ke nini.
Ngenye indlela nisisakhiwo sikaThixo.

1 KWABASEKORINTE 3:9 ukukhonza icawa ukuvangela

2023 Agasti 21, Mvulo

Ukukhula kobulumko kwandisa ukukhathazeka;
kanti ke nokukhula kolwazi kongeza iinzingo.

AMAVA ENGQONDI 1:18 ubulumko usizi ingqondo

2023 Agasti 20, Cawe

Kaloku yena uThixo akalotshijolo: akazange awulibale umsebenzi eniwenzileyo ngenxa yakhe, nothando enilubonakalise ngokulungiselela abantu bakhe – msebenzi lowo nisawuqhubayo unangoku.

KUMAHEBHERE 6:10 ubulungisa umsebenzi ukukhonza

2023 Agasti 19, Mgqibelo

Imini enye echithelwe kwakho, Thixo,
ingaphezulu kwewaka lemihla echithwe ndaweni yimbi.
Kubhetele ndibe ngumgcini-mnyango kwaThixo
ndaweni yokungqendeva phakathi kwezaphula-mthetho.

INdumiso 84:10 isono ukusondela

2023 Agasti 18, Lwesihlanu

Wawuthamsanqelisa umhla wesixhenxe, wawumisa wangumhla okhethekileyo, kuba ngaloo mhla wayeselegqibile ukudala.

EYEZIQALO 2:3 indalo intsikelelo isabatha

2023 Agasti 17, Lwesine

Kuba kaloku noNyana woLuntu akezanga kukhonzwa, weza kukhonza, nokuncama ubomi bakhe, bube yintlawulelo yokukhulula abaninzi.

UMARKO 10:45 ukuthobeka UYesu umbingelelo

2023 Agasti 16, Lwesithathu

Ekubulalekeni kukusebenza kukho umvuzo;
ke yena olibala kukuncokola wambathwa bubuhlwempu kuphela.

IZAFOBE 14:23 ukuthembeka ukuthetha ukhuthazo

2023 Agasti 15, Lwesibini

Ubabalo lweNkosi uYesu Krestu malube nani nonke.

KWABASEFILIPI 4:23 ubabalo UYesu intsikelelo

2023 Agasti 14, Mvulo

Kuba kaloku uThixo akamthumanga uNyana wakhe ehlabathini ukuze aligwebe, koko wamthuma ukuze abe nguMsindisi walo.

UYOHANE 3:17 usindiso UYesu umgwebo

2023 Agasti 13, Cawe

Kaloku wena wazi ndingekathethi;
ewe, Ndikhoyo, wazi nento endiza kuyithetha.

INdumiso 139:4 ukuthetha usomandla ukuqonda

2023 Agasti 12, Mgqibelo

Ndiyamcela uThixo weNkosi yethu uYesu Krestu, uSosidima, ukuba aniphe uMoya wobulumko, anityhilele uThixo, ukuze nimazi.

KWABASE-EFESE 1:17 Umoya ubulumko ukuqonda

2023 Agasti 11, Lwesihlanu

Kaloku xa nibaxolela abantu izigqitho zabo, uYihlo osezulwini wonixolela nani.

UMATEWU 6:14 isono ubabalo uxolelo

2023 Agasti 10, Lwesine

Yena ngumhlaziyi wâbo batyhafileyo,
umomelezi wâbo bangenamandla.

UISAYA 40:29 amandla ukuxhomekeka izixhobo

2023 Agasti 9, Lwesithathu

Kaloku sanikwa lo myalelo wokuba sithandane kwasekuqaleni.

1 KAYOHANE 3:11 umthetho uthando ummelwane

2023 Agasti 8, Lwesibini

Kodwa ukuba okhohlakeleyo uthe wazishiya izono zakhe, wahamba ngokwayo yonke imimiselo yam, wenza okulungileyo nobulungisa, akayi kufa, kodwa uya kubudla ubomi.

UHEZEKILE 18:21 uguqulo isono umthetho

2023 Agasti 7, Mvulo

Wathetha nje ngelizwi, akho amazulu,
wadala ilanga, inyanga, noozinkwenkwezi.

INdumiso 33:6 indalo ukuthetha izulu

2023 Agasti 6, Cawe

Kuba kungaye sikho nje, sisuka-suka, siphilile. Kunjengoko zitshoyo ezinye zeembongi zenu ukuthi: ‘Nathi siyinzala yakhe.’

UMSEBENZI WABATHUNYWA 17:28 indalo ubomi

2023 Agasti 5, Mgqibelo

Ábenjenjalo ke àbanako ukumkholisa uThixo konke-konke.

KWABASEROMA 8:8 isono ukuxhomekeka iminqweno

2023 Agasti 4, Lwesihlanu

Kambe ke ndiyazi ukuba umkhululi wam ukho;
ekugqibeleni iya kuba nguye otshatshelayo ehlabathini.

UYOBI 19:25 UMsindisi usindiso ukukhathazeka

2023 Agasti 3, Lwesine

Akukho mntu unokuloyisa ihlabathi ngaphandle kwalowo ukholwayo ukuba uYesu nguNyana kaThixo.

1 KAYOHANE 5:5 ukholo UYesu ukoyisa

2023 Agasti 2, Lwesithathu

ULizwi ke waba ngumntu, waza wahlala phakathi kwethu. Sabubukela ubungangamsha bakhe awabunikwa nguYise, njengoko ekukuphela koNyana wakhe; ubungangamsha ke obuphuphuma ububele nenyaniso.

UYOHANE 1:14 inyaniso UYesu ILizwi likaThixo