Gcina (Matshi 2019)

2019 Matshi 31, Cawe

Vuyani, ninethemba nje, ninyamezele ezimbandezelweni zenu, nithandaze ningayeki.

KWABASEROMA 12:12 uvuyo umthandazo umonde

2019 Matshi 30, Mgqibelo

Ukuba uNdikhoyo akayakhi indlu,
bafumana bebulaleka abayakhayo.
Ukuba asaluswa nguNdikhoyo isixeko,
ancam' ubuthongo ngelize amajoni alindayo.

INdumiso 127:1 uThixo ukuxhomekeka

2019 Matshi 29, Lwesihlanu

Kaloku apho bukhoyo ubutyebi benu, yoba lapho nentliziyo yenu.

UMATEWU 6:21 ukuthanda izinto eziphathekayo imali intliziyo

2019 Matshi 28, Lwesine

Umntu olungileyo uvelisa ukulunga okuphuma entliziyweni yakhe. Ke okhohlakeleyo uvelisa inkohlakalo ephuma entliziyweni yakhe. Kaloku loo nto intliziyo iphuphuma yiyo iphuma ngomlomo.

ULUKA 6:45 isono ukuthetha intsikelelo

2019 Matshi 27, Lwesithathu

Bamele ubabonelele ngokwasemthethweni;
ncedisana nabo abahlelelekileyo nabasweleyo.

IZAFOBE 31:9 ubulungisa ukuthetha ukupha

2019 Matshi 26, Lwesibini

Maluhlale ngokupheleleyo ezintliziyweni zenu udaba lukaKrestu. Fundisanani, niyalane ngobulali. Culani iindumiso, nihlabele amaculo, nivuma iingoma zoMoya, nibulela uThixo ngentliziyo.

KWABASEKOLOSE 3:16 ILizwi likaThixo ukufunda unqulo

Ke wena, xa sukuba usipha ihlwempu, masingakwazi isandla sakho sasekhohlo okwenziwa sisandla sakho sasekunene, ukuze ke izinwe zakho zingabonwa ngabantu, ze ke uYihlo obona okwenzeka emfihlekweni akuvuze yena ekuhleni.

UMATEWU 6:3-4 ukupha ibuyiselo UTata

2019 Matshi 24, Cawe

Makahlukane nobubi, enze okulungileyo;
makaphuthume uxolo, ahlale kulo.

INdumiso 34:14 ububi ukulunga uxolo

2019 Matshi 23, Mgqibelo

Intlungu yomntu imelwe kukukhathalelwa zizihlobo zakhe,
nditsho nokuba yena selekutyeshele ukumhlonela uSomandla.

UYOBI 6:14 ukumoyika uthixo ubuhlobo ummelwane

2019 Matshi 22, Lwesihlanu

Vuyani nabavuyayo, nilile nabalilayo.

KWABASEROMA 12:15 uvuyo uvelwano usizi

2019 Matshi 21, Lwesine

Ngenene uNdikhoyo yingangalala, ufanele ukudunyiswa;
obakhe ubukhulu abuphengululeki.

INdumiso 145:3 unqulo ukuqonda usomandla

2019 Matshi 20, Lwesithathu

Elokuphetha ndithi njengokuba nimanywe neNkosi nje, yomelelani nincedwa ngamandla ayo.

KWABASE-EFESE 6:10 uThixo amandla ukufuna

2019 Matshi 19, Lwesibini

Kungenxa yezibele zikaNdikhoyo singatshabalalanga nje,
kuba inceba yakhe ayinasiphelo.
Zihlala zintsha imihla ngemihla;
kukhulu ukuthembeka kwakhe.

IZILILO 3:22-23 ukuthembeka uthando uvelwano

2019 Matshi 18, Mvulo

Ukuba umntwana umqeqeshile ngendlela yokuziphatha,
soze ahlukane nayo naxa selekhulile.

IZAFOBE 22:6 ubulungisa usapho abantwana

2019 Matshi 17, Cawe

Ngubani ke onokusahlukanisa nothando lukaKrestu? Yimbandezelo na? Yinkxwaleko na? Yintshushiso na? Yindlala na? Bubuzé na? Yingozi na? Likrele na?

KWABASEROMA 8:35 uthando ukubandezeleka intshutshiso

2019 Matshi 16, Mgqibelo

Anazi na ukuba abakhohlakeleyo abayi kubuxhamla ubuncwane bokulawulwa nguThixo? Musani ukulahlekiswa: abarheletyi, nabakhonza izithixo, nabakrexezayo, nabafebayo, nabangamadoda alalanayo, nabangamasela, nababawayo, nabangamanxila, nabathukayo, nabazizikrelemnqa, abanakubuxhamla ubuncwane bokulawulwa nguThixo.

1 KWABASEKORINTE 6:9-10 isono usindiso ubukumkani

2019 Matshi 15, Lwesihlanu

Uncedo lwethu luvela kuNdikhoyo
ongumdali wamazulu nehlabathi.

INdumiso 124:8 indalo uThixo izulu

2019 Matshi 14, Lwesine

Ukuba uthe wavuma ngomlomo ukuba uYesu yiNkosi, wakholwa nangentliziyo ukuba uThixo wamvusa kwabafileyo, wosindiswa.

KWABASEROMA 10:9 ukholo ukuthetha UYesu

2019 Matshi 13, Lwesithathu

Egameni leNkosi yethu uYesu Krestu ndiyanibongoza, mawethu, ukuba nivane, nithethe nto-nye, kungabikho zimbambano phakathi kwenu. Manyanani nibe luqilima, nimxhelo mnye, ninazimvo zinye.

1 KWABASEKORINTE 1:10 uluntu usapho inguqu

2019 Matshi 12, Lwesibini

Amaxhala ayamtyhafisa umntu;
ke wona amazwi enkuthazo ayahlaziya.

IZAFOBE 12:25 ukuthetha ukukhathazeka intliziyo

2019 Matshi 11, Mvulo

UKrestu wasikhulula ukuze sibe ngabantu abakhululekileyo mpela! Ngoko ke yimani ngxishi ningahexi, ningavumi ukuphindela kwidyokhwe yobukhoboka.

KUMAGALATI 5:1 UYesu ubomi umhlawuleli

2019 Matshi 10, Cawe

Kambe ke bona abakholosa ngoNdikhoyo
bosuka bahlaziyeke bomelele.
Bosuka bantinge baxel' ukhozi;
noba sebebaleka, soze badinwe;
ewe, baya kuhamba bangaze batyhafe.

UISAYA 40:31 ithemba ukhuthazo amandla

2019 Matshi 9, Mgqibelo

Ndikholosa ngawe usemazulwini;
ungowam nje ke, andilinanze nganto ihlabathi.

INdumiso 73:25 thembela uThixo izulu

2019 Matshi 8, Lwesihlanu

Ke mna ndithi kuni, nina nindivayo: Zithandeni iintshaba zenu, nibenzele okulungileyo abo banithiyileyo. Basikeleleni abo baniqalekisayo, nibathandazele abo banigxekayo.

ULUKA 6:27-28 ukuthobela intsikelelo umthandazo